Matthew 27:5 - ASII LAKDAP Bible (BSI) Kra tai raütiishe, Judas raq kampho thop ka kiijaq Shomjam na riiwak baiqthü raütiishe, apaiq ka juhoto. Kiimaq kiho raüta, apaiq ka ajaqlii maq tiihai shakto. Hawa Naga Bible 2001 Kvkaq Yuda rueq kuimphox rok thuimx kuex Shomc Yuimx nuex tvwoalc tuip gay shec ruiux kaz wvnc tueq. Piq kuex pungbaung nuex kaz wvnc vtueq ruiuz nuex kvshuirc thueyc tueq. Muklom Judas aa eshi roktom cha nginsa tha rangnuk him sho bichak eq qhing chuwang ta, etho piq tha ka eq thabit ti ta. |
Kiimaq Ahithophel raq apaiq raq tsü achongkuq kra langmak dea riikiita, apaiq ka akumtoq kaü raikhü na ngasaq raütiishe, apaiq sichang chela kiiniishe wawanto. Raüta ajamkun wa tachong wiira thun kra samheawiq tiihong tha raütiishe, apaiq ka ajaqliilü maq shakraito. Apaiq maa ka tsangta maalap chang chiim ba na lapto.
Kiimaq kiijiishe Jimri raq Tirja chela ka Omri phenlabi riishe jiiwanto nguta chhiraü tiishe, apaiq ka hokhamwe jam jam mong khok peruk mong kiiniishe nyap wato. Raüta hokham jam ka wa maq chaq baiqto. Raüta apaiq kiimin walü mong na khiim wantlii she tsaito.
Tsangnyung raq apaiq ma nguto, “Ümniika ümchaü niitaq man na ikhli taqtaq tsapkapkap li sitlaü nyea? Dea riimak shea? Shiikeawe ma manson kiqsü she laüta atsai li she riiliina?”
lanta ngi ka ara ariim wan miiqshmiiq khum na sirai nam miikhoti raü na shak lata tsaiha jaq ahea riichang nguta shea tiima tlan.
Shatmaq ümniiraq, O Shiikeawe lei, kra maiq tseati thun nai arot akiqti thun ka tsangshiq rilung ka rijam min mihong shaq na maakho mong na tiidea baiqlaq. Ngi raq riiwe kla, ümniima mikamha.
Raüta tsangnai raq, “Arwe kaü ariiraq Shiikeawe Shomjam ka tiithen baiq raüta, ranaiqtsam jai maq hali mihailot nong ha nguta chongto,” nguta kha ka nyanto.
Ramwe jongbi raq kampho thop ka tsunto. Raüta bom ka akha riichongto, “Arka mattsiiq. Shomjam kampho tek na thü miika ashe. Arka nashiq Thungtri na angmak.”
Kra liipan bala, Shomjam kinphai na thungti nokwe thun riika, Jekeria ka Shomjam mong wa dong kai kra khe, athe ange she riito. Kiimaq, tsangshiq raq apaiq ka Shomjam mong na luhea jamto khing watiinya nguta, tiimakhiq she riito.
Ramwebi raq lang tlaq tri maq, lang lii kiita, kra ranaiq na Shiikeawe ma honglu homseng ka aluchiim na chaq jaqsham kriika, Jekeria mang na, lang raq thaüto. Krai mren, apaiq ka Tatiwe Shomjam mong na honglu kra chaq wa nguta nyap wato
Kiijiishe, apaiq raq apaiq liiq nai ja wiketiwe kra jaqlo thit heato. Raüta apaiq ma aming akha kuqto, “Ümnep ja ka chat laq. Laüta ngi ara tsatbaiq laq. Ngi ka jechak nyung jaq na tsaito nguta ikhushü tiijam ka romang.” Krai mren, jerowe riimin anepja ka chat-hit raüta, Abimelekh dü na tlatchhat shukbaiqto. Kiimaq apaiq ka tsaito.