Matthew 12:6 - ASII LAKDAP Bible (BSI) Ngi chongpha. Ara Shomjam arnam miimin ajong, ümchaü arjaq phanshi ra asi. Hawa Naga Bible 2001 Ngaz rueq nuimshiq muex jungx kuq ix, Shomc Yuimx htauk nuex muinz vyungx pinhtumc waz kuex vruex yuq httax yaq. Muklom Nga nim ma bat taphang, rangnuk him wang tho ajong miq ashey iro atha. |
“Shatmaq O Shiikeawe lei, ümniika ngohea shaq shaq mangjong hiq na maiqse phong na maiqwe re nai jechakre phong niika misilot haü dea sha? Ramungtan jonglu tlaq kra santla, aranse, kiijaq ümkhum ka siim mak. Ikhiijiika ara ngi raq ahaiha Shomjam se armong niika ümkhiim ka jamkho misüm?
Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?
Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.
Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”
Kiimahali Mosheq Thungtri na ramwebi raq Asii Niitiitsak ranaiqtek na, Shiikeawe Shomjam maq Asii Niitiitsak ranaiq thungtri raü ka jin wantlo nguta chongtlo riimak sha? Shatmaq, kra taü maq dongdii min, tsangshiq ka tiishut mak riitlo nguta chongtlo.
Ara jamkhano chongtiikang ngukla, Khristo ka maiqse han-ngam khum na pokitaq kiijaq, ara han-ngam khum na Shiikeawe asii rilung rong arai nai apaiq asii phara ka, Shiikeawe apaiq khum na jamkho sitlaq, kiikha kunli asi.