Matthew 10:30 - ASII LAKDAP Bible (BSI) Riita kriimaq thi miika namshiq rilung thii ka tsinhea rahea. Shiikeawe raq namshiq khupo na namkhubin thun kiimin wiita weaje maq sitlo. Hawa Naga Bible 2001 Kvruex saz dvyx rvmuq, nuimshiq khubanx htenc doc muinz wvlc tvy yoalx rvtueq. Muklom Etho nim thaji khorun sha wetchol sey. |
Kriinyung raq treto, “Chaü lei, ümTati, üm Shiikeawe jaq wa achu jaülaq, ijamtitiim juwa tsattiiwe kra phuklamti raq, ise ümchaü asiwe kra aphu phuklam tsatbaiq raüta, kongkhu lak wa ngarai kriithaq na abi pinthum hali ngarai tangnong mak chang.” Kiijiishe, “Ngi raq atra Tatiwe mang na atiitum lata chongtiikang, jurmin ümse dü na jaq miiq mak miraq,” nguta Dawit raq kriinyung bom ka treto.
Kiijiishe Solomon raq treto, “Apaiq ka iwokhong na sihaü jiika, akhubin loshise dongdii min dea mak miraq. Shatmaq apaiq ka iwokhong na simak jiika, apaiq ka atsai chang miraq.”
Riita, Shiikeawe riika, namshiq khubin lo thun kra dongdii min wiita weaje siisaq. Riita ara chong tiikai arai mren, Shiikeawe maklii na, namshiq rilung thü kriika athii tsinhea. Kriikha maq, namshiq ka naqhai rongkiq. Wuraichaq kong pahea kra thaq na, namshiq rilung thii ka tsinhea!
Ngi chongpha tai ronglaq. Ümchaü namshiq tarü raq phanshi ra phaqsiq ronglaq. Amang miili ka ningkun ahü, lunlot man mirhan. Namkhu bin loshi min dea mak miraq. Naqhai rongkiq,” nguta Paul raq tsangshiq ma tsii ka chongkuqto.
Shatmaq mungmaiqse riishe Saul ma nguto, “Riita, jurwa Israilnok miitu ara rekhat jonghea tangke wantiwe Jonathan kriisha atsea mirbaiq ngukai? Maimak! Naishiq raq atra Tatiwe mang na kiqkham tiikai, apaiq khupo kiiwa akhubin loshise dongdii min dea mak miraq. Ümchaü ranaiq apaiq raq jaqshamtaq kra Shiikeawe ningkun maq khat raüta tangto.” Krai mren, mungmaiqse raq Jonathan ka atsea baiq chang wiishe tiichhiikuqto.