Luke 8:54 - ASII LAKDAP Bible (BSI) Shatmaq, Jesuq raq no ka ajaq maq sham raüta, “I se le, tiido laq!” nguta heato. Hawa Naga Bible 2001 Yesu rueq yalxjuik saz yauk kuex shuimx vtueq, “Kvtenc kuiuz, nox lex!” ngoz tueq. Muklom Etharin Jesu aa eshi miqnusa jaktha lo eq halta, “I sa, shat u!” |
Kriika Ngi raq tsangtitiim ka Ejip mung wa Ijaq maq hit lata sheawan kang akhing na tongshong chü shong wan kang kiikhiika riimak she miraq. Kra pat na Ngi ka tsangshiq ma awese ikha siwan kang. Shatmaq tsangshiq raq itongshong tri raütu ka lang wan mak riito.
Shatmaq nokwe ka kinphai na tiibinho jai she, Jesuq ka no jechakse khok kiiniishe wato. Raüta ajaq maq no jaq na shamto. Krai mren, no ka tiidopot she chap hiiq ama wa sam wanto.
Krai mren, apaiq ka wa raüta, ajaq maq atsiti nyung jaq na sham saq raüta tiichapto. Kiimaq atsi ka heasaq li she heakito. Krai mren, jamtinyung ka tsangshiq ma, tashong wachaq she honghoto.
Jesuq raq amii we ka ajaq maq hit raüta, chiiphai na sheahoto. Raüta amii we mak na tho maq tho raüta, Jesuq raq ajaq maq amak na shamto kata. Raüta waito, “Phanshi ra chhi tlaü sha?”
Krai mren, Jesuq ka Jairas jam na saü wan raütiishe, apaiq rai Petar, Johan kiimaq Jakob, kiimaq jechakse nyungwe kli, tapmong na shea wanto. Nanok ahinti thun kriika, jumin tapmong niika tiiwa mak riito.
Kra taiwi raüta, tsangshiq raq apaiq ka ashummii riito. Tsangshiq raq, no ka tsaikito she nguta asap kha maq, apaiq ka shummiito.
Krai mren, no tsitsü ka sam wan saqli riito. Raüta, tiidopot riito. Kiimaq Jesuq raq tsangshiq ma, no ma phanshi ra tiiphaqsiq ronglaq ngutiishe thaüto.
Awe raq maiqse ka amaa wa tiijangtlo. Raüta tsangshiq ma rilung tsitsü ka kuqtlo. Kiikhiisii hali, Ase riimin apaiq raq ümriiti miiwa rilung tsitsü kewan lungwii tlaq, kriiti ma rilung tsitsü ka kuqtlo.
Kiijiishe, Petar raq tsangshiq ka tarü tapmong wa rin niishe tiiki baiqto. Raütiishe, apaiq ka kaütsrong na nga raüta achu jaüto. Apaiq raq achu jaülot raütiishe, maiq maa wetlaq kiinü na nyi raüta, “Tabitha, tiidolaq!” nguta apaiq rai bomdamto. Krai mren, kra nyung raq amak ka tiipiiqto. Kiimaq apaiq raq Petar ka chhi raüta, chang na awe wa, anga she riito.
Asii bomtsi na, “Ngi raq ümniika maiqphan pahea ma awejong tiija wan kang,” nguta chongtlo. Ara chongtiikai ara ningkhan, ara kiqkham arka Abraham raq kamwantaq, Shiikeawe maiq amaa wa, atra tiidong wanti Shiikeawe, kiimaq phanrap ka jam min ahü wa, apaiq raq aming tat raüta phanrap tingsang anye tiidong tiiq wan phansang wanti we, Shiikeawe makki na athuk atsom pinthum bomtsi.