Luke 19:34 - ASII LAKDAP Bible (BSI) Kiijiishe, tsangnai raq, “Tati ma ra tlo,” nguta tsangshiq bom ka treto. Hawa Naga Bible 2001 Tsuingnueyc rueq, “Taungjix muex rax yaq,” ngoz tueq tvralc tueq. Muklom Ningni aa thawel batta, “Tangteywa tachu aa.” |
O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.
Tsangnai raq kumtoq kaü se ka diirea na, atatinok raq, “Namnai raq ara jaram wa diirat ho lan?” nguta waito.
Kiimaq, tsangnai raq kumtoq kaü kriika, Jesuq phaniishe hewanto. Kiimaq tsangshiq khea thum ka kumtoq kaü raikhü niishe phiikuq wanto. Raüta, Jesuq ka tiinga wanto.
Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.
Kra akhing na ajaqshisetiim raq ara chong tlaq bomtsi liichum arka, tak mak dea riito. Shatmaq, Jesuq ka amaa wa dong wan raüta, apaiq khushü ngao jonglu wantaq kra chhi wan jai shetiq, tsangshiq raq Asii bomtsi na awaiq thü bomtsi liichum arka, apaiq miitu dea chong tlo nguta tak wanto. Kiimaq tsangshiq raq kra akhing na klo wantaq jaqsham kriika apaiq miitu dea shamkuqkai ngutiishe takto.
Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.