Genese 1:3 - BIBELE

Modimo a re: “Lesedi le be teng!” Yaba lesedi le ba teng.

Sesotho 1909/1961 (SO)

Modimo wa re: Lesedi ha le be teng, mme lesedi la eba teng.

Genese 1:3 Referencias Cruzadas

Genese 2:4

Ena ke yona tshimoloho ya lehodimo le lefatshe, ha di ne di hlolwa. Mohla Morena Modimo a etsang lefatshe le lehodimo,

Jobo 36:30

Hadima la hae le takolotsa le lehodimo, botebo ba lewatle o a bo kguruma.

Jobo 38:19

“Tsela e yang habo lesedi ke efe? Lehae labo lefifi lona le hokae?

Dipesaleme 104:2

o ipopile ka lesedi jwalokaha eka ke kobo. O adile mahodimo jwaloka lesela la tente,

Dipesaleme 118:27

Morena ke Modimo; o a re bonesetsa. Tshwarang mahlaku, le koloke, le be le yo fihla manakaneng a aletare.

Dipesaleme 148:5

Tsohle di ke di rorise lebitso la Morena, hobane o ile a laela, mme tsa hloleha.

Dipesaleme 33:6

Mahodimo a entswe ka lentswe la Morena, le mabotho wohle a wona ka polelo ya molomo wa hae.

Dipesaleme 33:9

O ne a bue, mme tsa eba teng; a laela, mme tsa hlaha.

Dipesaleme 97:11

Lesedi le tjhabela ya lokileng, thabo ke ya ba pelo di ntle.

Isaia 45:7

Ke etsa lesedi, ke etsa lefifi, ke a pholosa ke be ke timetse, nna Morena, tsena tsohle ke a di etsa.

Isaia 60:19

Letsatsi e ke ke ya hlola e eba lesedi la hao motsheare, le bosiu ngwedi e ke ke ya hlola e o bonesetsa; Morena e tla ba lesedi la hao, sedi la kamehla yohle, Modimo wa hao e be yena tlotla ya hao.

Mattheu 8:3

Jesu a otlolla letsoho, a mo ama, a re: “Ke a rata, hlweka!” Hanghang lepera la hae la hlwekiswa, a fola.

Johanne 1:5

lesedi le kganya lefifing, empa lefifi ha le a ka la le hlola.

Johanne 1:9

Lesedi la nnete le bonesetsang motho e mong le e mong, le ne le etla lefatsheng.

Johanne 11:43

Hoba a rialo, a howa ke lentswe le phahameng, a re: “Lasaro, tswa!”

Johanne 3:19

Kahlolo ke ena: Lesedi le tlile lefatsheng, empa batho ba ratile lefifi ho ena le lesedi, hobane mesebetsi ya bona e ne e le mebe.

2 Bakorinthe 4:6

Modimo ya itseng: “Lesedi le kganye lefifing,” ke yena ya kgantsheditseng dipelo tsa rona, hore di be le lesedi la tsebo ya tlotla ya Modimo, e kganyang sefahlehong sa Kreste.

Baefese 5:14

Tsohle tse bonahatswang ke lesedi di fetoha lesedi. Ke ka baka leo ho thweng: “Tsoha, wena morabadi, tsoha bafung, mme Kreste o tla o bonesetsa.”

Baefese 5:8

Pele le ne le le lefifing, empa kajeno le leseding, hobane le ba Morena. Phelang jwaloka bana ba lesedi.

1 Timothea 6:16

yena a inotshi ya sa shweng, ya ahileng leseding le ke keng la atamelwa, eo ho seng motho ya kileng a mmona, kapa ya ka mmonang. Hlompho le matla a sa feleng e ke e be tsa hae. A ho be jwalo!

1 Johanne 1:5

Molaetsa oo le ileng la o utlwa ho Mora wa hae, oo re le bolellang wona, ke ona: Modimo ke lesedi, mme ho yena lefifi ha le yo ho hang.

1 Johanne 2:8

Leha ho le jwalo, ke taelo e ntjha eo ke le ngollang yona; hoo ke nnete ka ho yena le ka ho lona, kaha lefifi le se le ntse le feta, mme lesedi la nnete le se le kganya.