BaKolose 1:11 - Sesotho 1909/1961 (SO)

le ntse le tiile ka nqa tsohle ka matla a wona a kganyang, ho ba le mamello nthong tsohle le sebete se selelele ka thabo;

BIBELE

Le tla matlafatswa ka mekgwa yohle, ka matla a tswang tlotleng ya hae, hore le tle le be le tiisetso le mamello e phethehileng.

Baasraak Sotho NT

le matlafaditswe ka matla wohle, ho ya ka matla a kganya ya wona, le tle le be le tiisetso yohle le mamello ka thabo;

Contemporary Southern Sotho Bible 2024

Le matlafaditswe ka matla wohle, ho ya ka matla a kganya ya wona, le tle le be le tiisetso yohle le mamello ka thabo;

BaKolose 1:11 Referencias Cruzadas

Dipesaleme 63:2

moya wa ka o nyoretswe wena, nama ya ka e tsetselela wena, naheng ena e tshehla, e feelleng, e se nang metsi.

Eksoda 15:6

Letsoho la hao le letona, Jehova, le tumile ka matla a lona; tsoho la hao le letona, Jehova, le thuhakantse sera.

Diproverbia 24:10

Ha o tepella mohla tsietsi, matla a hao a manyenyane.

Isaia 45:24

Ho tla thwe: Ruri, ho loka le matla di tswa ho Jehova a nnotshi; bohle ba mo halefetseng ba tla tla ho yena, ba tle ba hlabiswe dihlong.

Diketso 1:8

Empa le tla fuwa matla mohla Moya o Halalelang o tlang ho lona, mme le tla ba dipaki tsa ka Jerusalema, le naheng yohle ya Judea, le ya Samaria, le ho isa pheletsong ya lefatshe.

Diketso 5:41

Baapostola ba tloha kgotla, ba thabile kahobane ba entswe ba tshwanelwang ke ho hlabiswa dihlong ka baka la lebitso la Jesu.

Baroma 2:7

Ba batlang kganya, le hlompheho, le ho se bole, ka ho tiisetsa ho etsa hantle, o ba nee bophelo bo sa feleng;

1 Bakorinthe 16:13

Fadimehang, le tiye tumelong; le etse ka senna, le matlafale.

2 Bakorinthe 4:7

Empa letlotlo leo, re na le lona dipitseng tsa letsopa, matla ao a tlodisang e be a Modimo, e seng a rona.

Baefese 3:16

Ke a rapela hore a le nee, ka monono wa kganya ya hae, hore le tiiswe ka matla mothong wa kahare ke Moya wa hae,

Baefese 4:2

ka boikokobetso bohle, le ka mosa, le ka sebete, le ntse le mamellana ka lerato.

Baefese 6:10

Qetellong, banabeso, tiyang Moreneng le matleng a hae a sa sitweng ke letho.

BaFilipi 4:13

Nka etsa tsohle ka Kreste ya mphang matla.

2 Petrose 1:6

le tsebo ka boitshwaro, le boitshwaro ka mamello, le mamello ka borapedi,

Yuda 1:25

ho Modimo o nnotshi, Mmoloki wa rona, e be kganya, le boholo, le matla, le borena, ka Morena wa rona Jesu Kreste, jwale le kamehleng le mehla! Amen!

Tshenolo 14:12

Ke moo ho tla bonahala mamello ya bahalaledi, e leng ba bolokang ditaelo tsa Modimo le tumelo ya bona ho Jesu.