Jakobo 1:3 - Baasraak Sotho NT Le ntse le tseba hore ho lekwa ha tumelo ya lona ho hlahisa mamello. Sesotho 1909/1961 (SO) le ntse le tseba hobane ho lekwa ha tumelo ya lona ho hlahisa mamello; BIBELE hobane le a tseba hore ho lekwa ha tumelo ya lona ho tswala mamello. Contemporary Southern Sotho Bible 2024 Le ntse le tseba hore ho lekwa ha tumelo ya lona ho hlahisa mamello. |
Hobane tsohle tse ngodilweng pele, di ngotswe ho re ruta, hore ka mamello le ka tshediso ya Mangolo re tle re be le tshepo.
Mme re a tseba hore dintho tsohle di sebetsa hammoho molemong wa ba ratang Modimo, e leng ba bitswang ka morero wa wona.
Hobane mahloreho a rona a bobebe, a motsotsoana, a re sebeletsa boima bo fetisisang, bo sa feleng, ba kganya;
le matlafaditswe ka matla wohle, ho ya ka matla a kganya ya wona, le tle le be le tiisetso yohle le mamello ka thabo;
hoo le rona ka borona re ithorisang ka lona diphuthehong tsa Modimo ka baka la mamello ya lona le tumelo ya lona dihlorisong tsohle tsa lona le ditsietsi tseo le di mamellang.
Hobane le hloka mamello, e le hore, ha le se le entse thato ya Modimo, le tle le amohele pallo.
Ka baka leo, erekaha le rona re teetswe hare ke leru le leholo hakalo la dipaki, a re lahleng boima bo bong le bo bong le sebe se re tshwasang ha bonolo, mme a re matheng ka mamello peisong eo re e beetsweng.
hore le se ke la ba botsoa, le mpe le be baetsisi ba bao ka tumelo le ka mamello ba ruang litšepiso.
E le hore ho lekwa ha tumelo ya lona, e leng ya bohlokwa ho feta kgauta e timelang, leha e lekwa ka mollo, ho tle ho fihlelwe e le thoriso, le hlompho, le kganya mohla Jesu Kreste a hlahang.