Mulo na natnat a soila! Mulo ning a laulau a taraila, mulor atong mangasa ta wakak a warwara? Anasa a pahana tarai i atong puasa a toltol ning i bukus ting na balanla.
Jems 3:2 - Label Dala rop dala rongo ana galis a utna. Ika, ning tik bel i rongo on ta utna ana nuna warwara, esaning i tostos kol, pa i tolsot pasi sur ir tai alar anuna lalaun rop. |
Mulo na natnat a soila! Mulo ning a laulau a taraila, mulor atong mangasa ta wakak a warwara? Anasa a pahana tarai i atong puasa a toltol ning i bukus ting na balanla.
A oroi a ngas a rakrakai ne i titol te na lalaun anuki: Ning a mang sur ar tol a wakakna, a laulauna kanet hok.
A tumtubul a palaok sur ir tena titol oros anuki. A toli larne, sakana ia ka warawai tar ana Wakak a Warwara tetek a tarai masik, ika iau ot, e God ir puain sen iau ka, pa bel ar kibas ta arlou.
Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.
A lalaun turai i mang sur asaning bel i arlar ana nuknuk a Talngan Tabu, pa a Talngan Tabu otleng i mang sur asaning bel i arlar ana lalaun turai. Naur a utna ne, dia harum artalai, pa bel mulo tolsot asaning mulo mang suri.
Mila warawai o e Karisito tetek a taraila rop. Mila atumarang la pa mila asaer la ana tastasman rop, sur milar saran tar la rop tetek e God, pa lar tostos rop, anasa la kaning o e Karisito.
E Epapras, i ning a halimulo, pa a tena titol ane Karisito Iesu, i saran anuna marmaris tetek mulo. I sira nunung rakrakai o mulo, sur mulor tur rakrakai, pa mulor rakrakai ana lalaun anumulo o e Karisito, pa mulor tasman a nuknuk rop ane God.
A nunung e God sur ir tabar mulo ana wakak a ututnala rop, sur mulor mur a nuknukna. A nunung otleng, mang ana titol ane Iesu Karisito, e God ir awakak dala arlar ot ana nuknukna. Dalar atong leklek pas e Iesu Karisito, bel ir rarop pa bel ir rarop. Amen.
Ning tik ir nuki mang i a momol a tena lotu, ika bel i tumarang a laigeremna kusun a laulau a warwara, anuna lotu i utna oros ka, pa i asongo pasi ot.
Ning mulor tur rakrakai, anumolo na lalaun rop ir tostos, pa bel mulor kapan sur ta utna na ingun.
Ning tik ir mur a warkuraila rop, ika i kutus takai ka, dir warkurai i arlar larotning i kutus a Warkuraila rop.
Larning a Buk Tabu i atongi larne, “Ning tik i mang sur a wakak a lalaun, pa i mang sur ir oroi na wakak a pukakiar na gasgas, ir tai alar a pahana kusun na laulau a warwara, pa gong i asasongo.
Ika e God i a God na marmaris, pa o e Karisito i kabah pas mulo sur mulor kes taum onoi ana nun a matatar ning bel ir rop. A kankan ning mulo kilangi, bel ir bongnani, pa lamur i ot ir awakak ulak pas mulo, ir arakrakai mulo pa ir nangan mulo sur mulor tur rakrakai.