Aposel 6:1 - Label Ana pukakiarla ning, a tarai a asasaerla la galis amon. Dingla na tarai Juda la warwara ana warwara Grik, pa dingla onla la warwara ana warwara Hibru. La ning la warwara Grik la warwara na ururai onla ning la warwara Hibru, anasa la hanhan lakai a laola anuna Grikla, ning la sira asauran a utna na hangan tana laola ana pukakiarla rop. |
E Iesu i atongi mang, “Ir laulau kol tetek mulo a tena asaerla tagun a warkurai pa a Parisaiola, mulo na tena asasongo. Mulo tagar alar a tarai sur gong la kas ana matanitu misaot na langit. Pa mulo ot, bel mulo kas ono, pa a tarai ning la mang sur lar kas, bel mulo noren la sur lar kas.
Ika dingla na tarai tagun a tarai a lotu ning, a tarai Saiprus taum ana tarai Sairini, la hanot tumo e Antiok pa la atai a tarai ning bel a tarai Juda otleng ana Wakak a Warwara ona Leklek e Iesu.
Ning i seren pasi, i beni utumo e Antiok. Ning a kidol a rau dia kes taum ana tarai a lotu tumo, pa dia asaer a galis a tarai. Bot ning di atong a tarai a asasaer tumo e Antiok mang a te Karisitola.
Pa a tarai a asasaer la warkurai pas mang la rop taktakai lar artabar arlar ana nunla na gongonla tetek a tarai a lotula ning la kes ana papar Judia.
La ning la kibas a warwara ane Pita dir baptais la. La arlar ona natol a rip, pa di suah taum la ana tena tortorotla.
La siuran anunla na puka kabalapiula, taum ana nunla na ututnala, pa a mani taguni, la salari tetek esining i kapan.
Pa la rakan aleklek pas e God, pa a taraila rop la gas onla. Pa ana pukakiarla rop a Leklek i alaun a galis a tarai, pa di was taman la ana tena tortorotla.
Ika, a galis ning la longor a warwara ane Pita pa e Jon, la tortorot. Pa a wawas ana taraila ka ning la tortorot i arlar ana dilima na rip.
Ika a galis, a taraila pa gurarala kale, la bot tortorot ona Leklek, pa di was taman la ana tarai a lotula.
“Mila ka sairas rakrakai tar mulo mang gong mulo asaer a taraila ana risana e Iesu. Ika onone, a hanua Jerusalem ka bukus ana numulo na asasaer, pa mulo mang sur mulor arup mila ona minat e Iesu.”
Pa ning a bonot pa pisir naur a aposel la kabah taum a tarai a asasaerla rop, pa la atai la mang, “Bel i tostos ning milar molot ka ana artabar ana utna na hangan, pa bel milar tol a titol na warwara talapor ana warwara ane God.
A warwara ane God i han sarara, pa a tarai a asasaerla la galis amon saot e Jerusalem. Pa galis a tena artabar tetek e God la tortorot pa la longor ana Wakak a Warwara.
I warwara pa i keles a kabahla anuna Judala ning la warwara Grik, ika la mang sur lar umkoli.
E Pita i han taum on diau. Ning i hanot, la beni usaot ana tuka rumai. Pa a laola rop la tur talilisi pa la domos. Pa la asangan a kolosla taum ana kaenla, ning e Dokas i suk tar la ning kaning ot i laun.
Pa e Pita i tuslan a kuna teteki, pa i dat aturi. Pa i kabah pas a tena tortorotla pa a laola, pa i saran tar e Tabita tetek la, ka laun.
Ning tik, e God i saran tar a artabar na harnangai teteki, i wakak ning ir nangan wakak a tarai onoi. Ning tik, e God i saran tar a artabar na asaer teteki, i wakak ning ir asaer wakak a tarai.
Gong mulo ururai, arlar ana dingla na tarai onla la toli, pa a angelo ning i sira um kol a taraila, i um kol arop sen la.
La atong aitna pas la mang la na te Hibru, gepi? Iau otleng a te Hibru. La miting na tarai Israel, gepi? Iau otleng a te Israel. La na natnat e Abaram, gepi? Iau otleng a nat e Abaram.
Iau a te Israel, a hal a mangis a tarai ane Benjamin. Iau a te Hibru pa a mur a nunla na toltol. Ning ka siwal a pukakiar lamur tana pukakiar ning di agon iau, di kot talilis iau. Iau a Parisaio pa a sira mur rakrakai na warkurai ane Moses.
Gong u tumus akes a risana laola ning belot i diono na bonot a rau anunla sur a tarai a lotu lar nangan la. Lar nangan ka a ngas a hane ning i taulai ka takai a barsan,
Gong mulo manah ana marmaris artalai tetek mulo, arlar o mulo na kabaitas ana tortorot.
Ika ning dala nangan a nat a biasuila, pa a laola ning la pot na marmaris, pa ning dala tumarang dala otleng kusun a dur a toltol mite na rakrakan hanua, ine i a tostos a lotu, pa bel ta utna i rongo ono namatana e God a Tamandala.
Mulo nuki mang a Buk Tabu i warwara oros ka? I atongi mang, “A Ingun ning e God i saran tari tandala, i mang sur dalar kes nahai e God.”
Na tastasik, gong mulo ururai artalai, sakana e God ir warkurai mulo. Oroi, a Tena Warkurai ka tur ting na taman.