Nthi 4:8 - ÎVUKU RÎA ÛVORO MWARO

Tua ûûgî kîndû Kîam goro, naguo ûgaatûma ûgîe îgweta; ûkumbatîrie, naguo ûgaatûmaga ûvewe gîtîîo.

Nthi 4:8 Referencias Cruzadas

Nthi 22:4

Kîveo Kîam wînyivia na gwîtigîra Ngai-Mûnene nî ûtonga, gîtîîo na ûtûûro mûraca.

Nthi 3:16

Ûûgî ûvecaga mûndû ûtûûro mûraca, na nîûvecaga mûndû ûtonga na gîtîîo.

Nthi 3:35

Andû arîa aûgî nîmakagaa gîtîîo, nwatî irimû nîigaaconorithua.

Rwîmbo rwa Nyîmbo 2:6

Njara yake ya ûmotho înyitîte îng'oti, nayo njara yake ya ûrîo îkambarara.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.