Ûraûkire gûkû îvinda îkuvî, na kwoguo ndirona kûrî na gîtûmi gîa tûthiî tûkaûrûre nawe. Wana ndiîcî kûrîa nthiîte. Cokani mûrî na andû arîa mumîte vûrûri ûmwe nao. Ngai-Mûnene arokwonia wendo ûtathiraga na akwendage vîndî cionthe.”
Nthi 3:3 - ÎVUKU RÎA ÛVORO MWARO Ndûkareke wathîki na wîvokeku ciume kûrî we; ciovagîrîre ngingorî ta mûkathî, na ûciandîke ngororî yaku. |
Ûraûkire gûkû îvinda îkuvî, na kwoguo ndirona kûrî na gîtûmi gîa tûthiî tûkaûrûre nawe. Wana ndiîcî kûrîa nthiîte. Cokani mûrî na andû arîa mumîte vûrûri ûmwe nao. Ngai-Mûnene arokwonia wendo ûtathiraga na akwendage vîndî cionthe.”
Ngai-Mûnene nîatongoragia andû na wîvokeku na wendo, arîa onthe marûmagîrîra na makaathîkîra maathani make.
Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.
Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.
nîûndû kîrîra Kîamo gîgekaraga ta nthûmbî îgemetue na maûa îrî kîongorî gîaku, na mûkathî ûrî ngingorî yaku.
Andû arîa mavangaga gwîka maûndû macûku nî mavîtagia. Arîa mavangaga gwîka maûndû maro nî mavecagwa gîtîîo na makevokwa nî andû.
Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.
Ngai-Mûnene augîte atîrî, “Mevia ma andû a Juda mandîkîtwe na karamu ga cuuma; macoretwe ngororî ciao na mûthiia mûûgî wa îthiga rîa goro, na magacorwa mîthiiarî yenyu ya metha cia magongoona.
Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.
Maathomithagia ûvoro wa ma na matianathomithia maûndû ma maveeni. Nie nao twatûûrire tûrî na thayû na marî na mîthiîre mîaro, na makîthomithia andû engî ûvoro wa gûtigana na mevia.
“Na kaî mue arimû a Watho na Afarisai mûrî na thîna-î! Mue mvinga ino! Mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia, na nderamûkîa, nwatî mûtirûmagîrîra maûndû marîa ma vata megiî watho ta, kîvooto, kwîgucanîra ntha na kwîvokeka. Maûndû mama nîmwagîrîrwe nî kûmeka mûtagûtiganîria mau mengî.
Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.
“Gîkî nîkîo kîrîkanîro kîrîa ngaarîkanîra nao mîthenyarî îrîa îgaûka. Ûguo nîguo Mwathani akuga. Nîngekîra mawatho makwa ngororî ciao, na nîmandîke meciriarî mao.”