Nthi 3:25 - ÎVUKU RÎA ÛVORO MWARO

Ndûgetigîre ûndû wa kûmakania ûrîa ûngîûka wa rîmwe, kana ivuvûkanio irîa ingîtharîkîra andû arîa aganu na vinya.

Nthi 3:25 Referencias Cruzadas

Thaburi 112:7

Ke ndetigagîra kwîgua ûndû mûcûku; wîtîkio wake nî mwîkindîriu, na evokaga Ngai-Mûnene.

Thaburi 73:19

Macûkangagua wa rîmwe; mathiragua nî imaûndû cia kûmakania.

Thaburi 91:5

Ndûgetigîra ûgwati wa ûtukû, kana kûtharîkîrwa wa rîmwe mûthenya;

Nthi 1:27

rîrîa kîmako gîgaaûka kûrî mue ta rûkûngi rûnene, na mathîna mamwîthîrîrie ta rûkûngi rûnene, rîrîa mûkaanyitwa nî kîeva na ûrûrû.

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.

Zakaria 9:8

Nîngaagitîra hekarû yakwa ndîkaatharîkîrwe nî nthû; Gûtirî mûndû ûgaacoka kûvinyîrîria andû akwa rîngî, nîûndû rîu nînîreyonera na metho makwa nie mwene.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Mathaayo 24:6

Mue nîmûkegua mûrurumo wa mbaara vakuvî na mue, na wa mbaara îrîa îrî kûraca, nwatî mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Maariko 4:40

Nake Jesû nîwacokire akîûria arutwa ake atîrî, “Nîndûî kîramûmakia? Kaî mûtarî na wîtîkio?”

Luka 21:9

Rîrîa mûkeegua ûvoro wa mbaara kana mbûkanîrîro mûtigetigîre, nîûndû maûndû mau nwa nginya mambe mekîke nwatî ûguo tî kuga atî îvinda rîrî vakuvî.”

Johana 14:1

Jesû nîwamerire atîrî, “Tigani gûtangîka ngororî cienyu. Îtîkiani Ngai na wa nanie mûmbîtîkie.

1Pet 3:14

Nwatî wana mûngîthînîka nîûndû wa gwîka ûrîa kwagîrîrîte, mûrî arathime. Mûtigetigîre mûndû kana mûtangîke.