Jakovu nîwerire Josefu atîrî, “Ndieciragia atî nîngaakwona rîngî, nwatî Ngai nîatûmîte mona nginya ciana ciaku.”
Nthi 17:6 - ÎVUKU RÎA ÛVORO MWARO Andû arîa akûrû nî makenaga rîrîa makwona ciana cia ciana ciao, wata ûrîa ciana ikenaga ikîona aciari a cio. |
Jakovu nîwerire Josefu atîrî, “Ndieciragia atî nîngaakwona rîngî, nwatî Ngai nîatûmîte mona nginya ciana ciaku.”
Josefu nîwakûrire nginya akîona ciana cia Efiraimu, wana ciana cia ciana cia Efiraimu. Josefu nîwatûûrire nginya akîgwata ciana cia Makiru mûvîcî wa Manase.
Kûnarî ûguo, nîûndû wa gîtîîo Kîam aguo Daudi, ndigwîka ûguo vîndî ya ûthamaki waku, nwatî ngeeka ûguo vîndî ya ûthamaki wa mûvîcîguo.
Nwatî nîûndû wa Daudi, Ngai-Mûnene, Ngai wake nîwavere Abija mwana wa kavîcî karîa gagaatuîka mûthamaki vuva wake nîguo gatuîke taa ya kûtherera Jerusalemu na kaige îtûûra rîu rîa Jerusalemu rîrî na vinya.
“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.
Mûndû mwaro nîatigagîra njiarwa ciake îgai, nwatî ûtonga wa andû arîa evia ûthiîcaga na andû arîa athingu.
Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’