Ngai nîwaroririe indo cionthe irîa aaûmbire na akîona irî mbaro. Nakuo nîgwatukire na gûgîcoka gûgîkîa. Ûcio nîguo warî mûthenya wa gatandatû.
Nthi 16:4 - ÎVUKU RÎA ÛVORO MWARO Ngai-Mûnene aaûmbire indo cionthe irî na itûmi ciacio, wana mûthiia wa andû arîa aganu nî kûthirua. |
Ngai nîwaroririe indo cionthe irîa aaûmbire na akîona irî mbaro. Nakuo nîgwatukire na gûgîcoka gûgîkîa. Ûcio nîguo warî mûthenya wa gatandatû.
Atindaga akîûrûra agîcaria gîa kûrîa akîûragia kîrîkû, nîamenyaga atî îvinda rîa nduma nîrîmûkuvîvîrîtie.
Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.
Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”
Nîûndû indo cionthe ciaûmbirwe nîke na indo cionthe itûîre nîûndû wa ûvoti wake na nî ciake. Nake arokumua tene na tene! Ameni!
Ûguo nwa guo Ngai ekîte. Endaga kwonania marakara make na gûtûma vinya wake ûmenyeke. Kwoguo eekarire akirîrîrîtie mûno andû arîa maarî makinyîrwe nî marakara make, na magîrîrwe nî gûcûkangua viû.
Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.
Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!
Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.
“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”