Nthi 15:2 - ÎVUKU RÎA ÛVORO MWARO

Andû aûgî maragia maûndû marî na ûmenyo, nwatî irimû ciaragia maûndû matarî vata.

Nthi 15:2 Referencias Cruzadas

Thaburi 45:1

Ngoro yakwa îcûrîtwe nî ciugo mbaro, ngîtunga rwîmbo rwa kwinîra mûthamaki. Rûrîmî rwakwa rwîkariî ta karamu, ka mûndû wicî kwandîka waro.

Thaburi 59:7

Tathikîrîria ûrîa mararumana, ciugo ciao itemaga ta rûviû rûûgî, na meciragia atî gûtirî mûndû ûregua ûrîa marauga.

Nthi 12:23

Andû arîa aûgî matiendaga kwonania atî nî aûgî, nwatî irimû nîcianagîrîra ûrimû wa cio.

Nthi 13:16

Mûndû mûûgî arûthaga maûndû na njîra ya ûûgî, nwatî mûndû kîrimû athiîcaga akîonanagia ûrimû wake.

Nthi 15:23

Kuga ûndû ûrîa mwagîrîru nî gûtûmaga mûndû agîe na gîkeno, na kuga ûndû vîndî îrîa mbagîrîru nî ûndû mwaro.

Nthi 15:28

Andû arîa athingu nîmeciragia mbere ya mauga ûndû. Nwatî andû arîa aritu maragia matambîte gwîciiria.

Nthi 15:7

Andû arîa aûgî maragia maûndû marî na ûmenyo, nwatî tî arîa irimû.

Nthi 16:23

Andû arîa aûgî nîmeciragia mbere ya kwaria, na mîario yao nîgucagîrîria andû.

Nthi 5:2

nîguo ûvotage gûtaûkîrwa nî maûndû, na mîario yaku îkonanagia ûrî na ûmenyo.

Mûvunjia 10:14

Kîrimû Kîamragia ciugo nyîngî mûno, gûtirî mûndû wicî ûrîa gûgekara vuvarî, na gûtirî mûndû ûngiuga ûrîa gûgeekara twarîkia gûkua.

Mûvunjia 5:3

Gwîtanga mûno nîgûtûmaga mûndû arote iroto njûku, na andû arîa irimû nîo maragia mîario mîngî.

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.