Nthi 13:11 - ÎVUKU RÎA ÛVORO MWARO

Ûtonga wa kûgîa na îvenya ûthiraga na îvenya, nwatî indo irîa mûndû agîîte kavora kavora nîithiîcaga na mbere kwongerereka.

Nthi 13:11 Referencias Cruzadas

Ayubu 20:15

Mûndû mwaganu ameragia indo itarî ciake agaitavîka, nî Ngai ûirutaga îvurî rîake.

Thaburi 128:2

Makaarîcaga maciaro ma wîra wa njara ciao; nîmagaakena na mathatûkwe nîguo.

Nthi 10:2

Gûtonga na njîra îtagîrîrîte gûtigunaga mûndû, nwatî ûthingu nîûvonokagia mûndû kuuma kûrî gîkuû.

Nthi 13:10

Andû arîa etîi matûmaga kûgîe na ngucanio. Nwatî arîa mathikagîrîria mataaro nîmagîcaga ûûgî.

Nthi 13:12

Mwîrîgîrîro ûngîkara mûno ûtarî mûvingu mûndû nîathiragwa nî vinya, nwatî mwîrîgîrîro ûngîvinga nîwîkagîra mûndû gîkeno.

Nthi 20:21

Ûtonga ûgîtwe na îvenya, ûthiraga wa na îvenya.

Nthi 21:6

Ûtonga ûgîtwe na njîra îtarî ya ma, ûmbûkaga ta ndogo na nî mûtego wa gîkuû.

Nthi 28:20

Mûndû mwîvokeku nîakaagîa na irathimo nyîngî, nwatî ûrîa wendaga gûtonga na îvenya nîakaaverithua.

Nthi 28:22

Mûndû mûkoroku endaga gûtonga na îvenya, na ndamenyaga atî akaarîkîrîria na ûthîni.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Mûvunjia 5:14

Nîwacokire agîtûmîra ûtonga ûcio naaî na mûthiiarî ndaarî na kîndû angîtigîra mwana wake.

Jeremia 17:11

Mûndû ûrîa ûgîcaga na ûtonga na njîra îtagîrîrîte, ekariî ta gîconi kîrîa kîgumbagîra matumbî gîtaciarîte, gatagatî ga ûkûrû wake ûtonga ûcio nîûkaathira, na mûthiiarî akethîrwa arî kîrimû.