Nthi 1:4 - ÎVUKU RÎA ÛVORO MWARO

nîguo itaare andû arîa matarî na ûmenyo, na ive andû aîthî ûtaûku na ûrîa mangîvota kûgîa na mîvango mîkinyanîru.

Nthi 1:4 Referencias Cruzadas

Thaburi 116:6

Ngai-Mûnene nîagitagîra arîa matarî vinya; rîrîa naarî thînarî nîwamvonokirie.

Thaburi 119:130

Ciugo ciaku itaûrîtwe nîiretaga ûtheri; nîivecaga ûmenyo andû arîa mataicî ûndû.

Thaburi 119:9

Nî atîa mûndû mwîthî angîvota kwiga ûtûûro wake ûrî mûtheru? Nî na njîra ya kûrûmîrîra maathani maku.

Thaburi 19:7

Watho wa Ngai-Mûnene nî mûkinyanîru, nî ûvecaga mûndû vinya mûcerû. Maathani ma Ngai-Mûnene nî ma kwîvokeka, nîmavecaga ûûgî arîa matarî naguo.

Thaburi 34:11

Ûkani kûrî nie mue anake mûnthikîrîrie, nîngûmûthomithia kûgooca Ngai-Mûnene.

Nthi 3:21

Mwana wakwa, îkaraga na ûûgî wa ma na kîrîra. Ndûkanareke ikûthame.

Nthi 8:12

Nie ûûgî, ndûûranagia na ûmenyo, mbîthagîrwa nîrî na ûtaûku na wara.

Nthi 8:17

Nîmendete arîa mamendete, na arîa manjaragia na kinyi nîmamonaga.

Nthi 8:32

“Na rîu ciana ciakwa, nthikîrîriani, mûngîka ûrîa nîramwîra, nîmûgaakena.

Nthi 8:5

Mue arîa mûtarî aûgî, gîani na ûmenyo, mue andû arîa aritu, îîthomithieni kûgîa na ûmenyo.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

Tito 2:6

Na njîra ta îno, îra anake wanao menyitagie maûndûrî.