Nthi 1:22 - ÎVUKU RÎA ÛVORO MWARO “Mue irimû ino! Mûrenda gwîkara mûrî irimû nginya rî? Mûrenda gwîkara mûkînyararaga ûmenyo, mûkaamenya maûndû rî? |
Kûrathimwa nî mûndû ûrîa ûreganaga na mataaro ma andû arîa aganu, ûrîa ûtarûmagîrîra njîra cia andû arîa evia, kana ekarania na andû arîa manyararaga ûvoro wa Ngai.
Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.
Nake Ngai-Mûnene nîwerire Musa atîrî, “Nîmûtûûra mûregete kwathîkîra maathani na mawatho makwa nginya rî?
Nîûndû irimû ikucaga ciarega kûthikîrîria ûtaaro, na andû arîa aritu mathiragua nî ûrimû wao.
nîguo itaare andû arîa matarî na ûmenyo, na ive andû aîthî ûtaûku na ûrîa mangîvota kûgîa na mîvango mîkinyanîru.
Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.
Andû arîa etîi macaragia ûûgî na matiwonaga, nwatî andû arîa aûgî mataûkagîrwa nî maûndû na îvenya.
Andû arîa etîi matiendaga kûrutwa mavîtia; matiûragia ûtaaro kûrî andû arîa aûgî kûrî o.
Rîrîa mûndû wa îtherû averithua, kîrimû nîkîûvîgaga, rîrîa mûndû mûûgî athomithua, nîagîcaga na ûmenyo.
Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîyo.
Nîathekagîrîra andû arîa mathekanagîrîra, nwatî nîekaga andû arîa menyivagia maûndû maro.
Mue arîa mûtarî aûgî, gîani na ûmenyo, mue andû arîa aritu, îîthomithieni kûgîa na ûmenyo.
Nîmonete ûgîka maûndû marîa menete, ûtharia na gûcumîkîra aka ene na ûmaraa mwîngî, kûu tûrîmarî na mîgûndarî. Mue andû a Jerusalemu kaî mwî na thîna-î! Nîmwîkara mûtatheretue nginya rî?”
We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?
“Nî nginya rî andû aya aganu magûtûûra matetaga nîûndû wakwa? Nîmbîguîte ûrîa andû a Isiraeli methîrîtwe magîteta nîûndû wakwa!”
Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”
“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!
Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”
akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!
Mûndû wa wonthe wîkaga ciîko cia waganu nîathûrîte ûtheri na ndarî vingo angîumîra ûtherirî, nîûndû ndangîenda ciîko ciake cia waganu cionekane.
Îgûrû rîa maûndû monthe, nwanginya mûmenye atî mîthenyarî ya kûrigîrîria, nîgûkaumîra andû amwe marî na mîkarîre yathagwa nî merirîria mao macûku. Nao nîmakaamûnyûrûria
Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.