Josh 13:3 - ÎVUKU RÎA ÛVORO MWARO wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu, |
Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.
Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.
Kwoguo Daudi nîwagomanirie andû onthe a Isiraeli kuuma Shihori mûvakarî wa Misiri nginya mwanyarî wa Hamathi. Andû acio maagomire nîguo mathiî magîre îthandûkû rîa kîrîkanîro Kîam Ngai kuuma Kiriathi-jearimu.
mavîtûkîrîrîte manjîrî meengî; mamûretagîre ngano kuuma Shihoru, mwagûraga na mûkendanîria na mavûrûri monthe.
Nîûgîa na umithio ûrîkû wathiî Misiri kûnyua manjî ma rûnjî rwa Nilo? Kana nî ûgîa na umithio ûrîkû wathiî Asîria, kûnyua manjî ma Rûnjî ma Efarati?
Vûrûri ûrîa ûrî rûtere rwa îria rîa Mediterania nginya îtûûra rîa Gaza watûûragwa nî andû a Avimu mbererî. Andû a kuuma gîcîgîrîrarî gîa Kirete nîmaamathiririe na magîoca vûrûri ûcio na magîtûûra kuo.)
Kûnarî ûguo, andû a Isiraeli matiengata andû a Geshuri na andû a Maaka mavûrûrirî mao. Andû acio matûûraga vûrûrirî wa Isiraeli nginya ûmûnthî.
Athamaki a Filisiti nîmaathiîre kûrî Delila na makîmwîra atîrî, “Veenereria Samusoni nîguo akwîre kûrîa vinya ûcio wake mûnene ûguo umaga na ûrîa tûngîmûvoota, tûmûthaîke na tûmûthirie vinya. Natue tûgaakûva wa mûndû tûcunjî ngiri îmwe na îgana rîmwe twa sîlûva.”
Ndûrîrî irîa ciatigirwe vûrûrirî wa Kanaani ciarî anene atano a Afilisiti, Akanaani onthe, Asidoni na Ahivi arîa maatûûraga kîrîmarî Kîam Lebanoni kuuma kîrîma Kîam Baali Herimoni nginya mwanyarî wa Hamathi.
Afilisiti maatava îthandûkû rîa kîrîkanîro rîa Ngai, nîmaarîkuuire makîrîruta kûu Ebeneza na makîrîvira îtûûrarî rîao, rîrîa rîetagwa Ashidodi.
Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”
Kwoguo nîmaatûmire anjaama mathiî magete athamaki onthe atano a Afilisiti maûke vamwe. Nao nîmaaûririe athamaki acio atîrî, “Rîu nîtwîka atîa na îthandûkû rîrî rîa Kîrîkanîro rîa Ngai wa Isiraeli?” Nao athamaki makiuga atîrî, “Ocani Îthandûkû rîa Ngai wa Isiraeli na mûrîvire Gathu.” Kwoguo nîmaakuire îthandûkû rîa Ngai wa Isiraeli na makîrîvira Gathu; Gathu rîarî îtûûra rîngî rîa kûu Filisiti.
Nao Afilisiti nîmaaûririe atîrî, “Nî kîveo kîrîkû tûngîmûvirîra gîa kûruta kîgongoona nîûndû wa mevia metû?” Na magîcokia makîmeera atîrî, “Tûnyamû tûtano twa thaavu tûviana nyimba na ngaara ithano îthondeketwe na thaavu, wa îmwe yacio îrî ya mûthamaki ûmwe wa Filisiti. Nîûndû mue muonthe wana athamaki enyu atano mwaverithirue na mûthiro wa mîrimû wata îo.