NG'ATUTIK 13:4 - Bukuit Ne Tilil

Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet.

BUKUIT NE TILIIL Sireet ne Dutero Kanon

Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet.

BUKUIT NE TILIL

Obendate osub Jehovah Kamuktaindeng’wong’, oiywei inendet, ak orib ng’atutikyik, ak ogas it kutinnyi, oboisiechi ak onamge ak inendet.

NG'ATUTIK 13:4 Referencias Cruzadas

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

2 ATEPTAP PEETUUSYEK 34:31

Ak ki tonon laitoryat eng' komostanyi, ak koyai arorutyet eng' taitap Kamuktaindet ne Toroor, koosup Kamuktaindet ne Toroor, ak koriip ng'atuutikyik, ak paornatosyekyik, ak kayomisutikyik, eng' muguleldanyi tugul, ak eng' saboondanyi tugul, koosup ng'aleegap arorutyet che ki kisirchi bukuini.

JEREMIA 7:23

Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

ROMANIK 6:13

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

1 KORINTOEK 6:17

Ago ineendet ne ituitoskei ak Kiptaiyat ko kabuuset agenge.

NG'ATUTIK 10:20

Iywei anyun Kamuktaindet ne Toroor Kamuktaindeng'ung' ak iboisyechi ineendet. Onamgei ak ineendet ak iyasye eng' kainennyi.

NG'ATUTIK 11:1

Cham anyun Kamuktaindet ne Toroor Kamuktaindeng'ung' ak iriip kotigonennyi, kaneetisyosyekyik, kirwoogutikyik ak ng'atuutikyik kotugul.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

NG'ATUTIK 6:13

Iywei Kamuktaindet ne Toroor Kamuktaindeng'ung', oot ineendet ak iyasye eng' kainennyi.

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

2 JOHANA 1:6

Ak ni ko chamyet, ale kebendatee kisup ng'atuutikyik. Niito ko ng'atuutyet, ko uu ye ki ogas kobooch taunet, ale obendate ng'atuutyonooto.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”