JEREMIA 6:12 - Bukuit Ne Tilil Kiwolei kooriikwak kobunji piik alak, kobooto mbareenikwak ak osotikwak, amu achuuljini eunnyu piik che menyei emet, mwaei Kamuktaindet ne Toroor. BUKUIT NE TILIIL Sireet ne Dutero Kanon Kiwolei kooriikwak kobunji piik alak, kobooto mbareenikwak ak osotikwak, amu achuuljini eunnyu piik che menyei emet, mwaei Kamuktaindet ne Toroor. BUKUIT NE TILIL Ak kobunji gorikwak bik alak, koboto mbarenikwak ak osotikwak: amu achuuljini eunnyu bik che menyei emet, mwaei Jehovah. |
Ki ing'eet metit Daudi ak ki keer malaikaiyatap Kamuktaindet ne Toroor kotononi eng' kwenutap ng'wony ak kipsengwet, kotinyei rotwetap chok ne kaging'us eng' eunnyi, ak kong'werere Jerusalem. Kobutyi ng'wony anyun Daudi ak poisyek kotooree togoochikwak ng'wony, kolaachi kuniok.
Ing'uruukyin icheek kimonjororinik, ak kobutyi ole ki kibarchi piik. Nganda uu nooto, koma istogei nereegekyik, ago ta ko chuulaat eunnyi kora. Menoteetap Assyria ak pirennyi
Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.
Ing'eeti piigap Syria eng' tai, ak Philistiik eng' let; ak koam Israel eng' kutit ne iseng'eng'at. Nganda uu nooto, koma istogei nereegekyik, ago ta ko chuulaat eunnyi kora.
Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.
Amei `Manasseh Ephraim, ak amei `Ephraim Manasseh; ak kogirindoi icheek tuwai Judah. Nganda uu nooto, koma istogei nereegekyik, ago ta ko chuulaat eunnyi kora.
Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.
Ak kebaregei ak okweek eng' euut ne chuulaat, euut ne kiim, eng' nereegek, ak eng' nereegek che ng'woneen, ak eng' nereegek che eecheen.
Keero, kimuti kwonyiik tugul che ng'etu eng' kootap laitoryatap Judah koba konyoor pounigap laitoryatap Babilon, ak mwaei kwonyichooto kole, kagoberberin choronoguk che ingen, ak kagoterterin: kagorat anyun ng'atateek keelyeguk, kagoweigei let icheek.
Ak komut osotiguk tugul komong' ak lagoguk komutyi Kaldeik: amechililee eunekwak, ago namin laitoryatap Babilon: ak igoite nganasani kebeel.
Mwaei anyun Kiptaiyat Kamuktaindet ne Toroor kole; Ogeero, kiroong'jin olito nereegekyuk ak nereegekyuk che ng'woneen, kiroong'jin piik, tuuga, keetiigap timiin ak eng' logoegap mbar; ak laldos, ama kimisi.
Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.
Ki kochop Kamuktaindet ne Toroor kong'em irimeetap cheptap Zion; Ki kokwerto kiit ne kikwaise, tomo koaruny eunnyi eng' ng'emisyet: ki kogoochi irimeet ak tooteet kooteeiyo; ng'emaksei tuwai.
Ko keegu piich che ma tinyei sigiik ak che ma tinyei kwan. Kogoigei kametisyekyok mosoogik.
ileenji, mwaei Kiptaiyat Kamuktaindet ne Toroor kole: Keero, aboryenen, ee tulweetap Seir, ak atokyinin eunnyu, ak ayain iguber ak iegu ne kikwong'ee.
Amutu anyun piik che yaach miising' eng' pororyosyek, ak konam kooriikwak kobunji: ak ageesu kogeny menoteetap che kiimeen; ak king'wanit komoswekwak che tiliileen.
Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.
Ak keluul mogornatennywa, ak koguber kooriikwak: ee, teechei kooriik, ago ma menyei; ak komiin mbareenigap sabibuk, ago ma eei divaikwak.
Aluukyini `eunnyu Judah, ak piik tugul che menyei Jerusalem; ak abar ng'etuunenigap Baal, kobooto kainetap Kemarik ak tisiik;