Ki togosta Pharaoh-neko laitoryatap Misiri eng' peetuusyegap Josiah kobookyi laitoryatap Assyria, eng' aineetap Yufrets. Ki wo Laitoryat Josiah kwo kobargei ak ineendet; ak ki par laitoryandanooto Josiah eng' Megiddo, ye kingo keer ineendet.
SEKARIA 12:11 - BUKUIT NE TILIIL Sireet ne Dutero Kanon Piitu eng' peetuunooto kateeiyet ne oo eng' Jerusalem, ne uu kateeiyetap Hadadrimon eng' atebweetap Megidon. Bukuit Ne Tilil Piitu eng' peetuunooto kateeiyet ne oo eng' Jerusalem, ne uu kateeiyetap Hadadrimon eng' atebweetap Megidon. BUKUIT NE TILIL Biitu eng’ betunoto kateeiyet ne o eng’ Jerusalem, ne u kateeiyetab Hadadrimon eng’ atebwetab Megidon. |
Ki togosta Pharaoh-neko laitoryatap Misiri eng' peetuusyegap Josiah kobookyi laitoryatap Assyria, eng' aineetap Yufrets. Ki wo Laitoryat Josiah kwo kobargei ak ineendet; ak ki par laitoryandanooto Josiah eng' Megiddo, ye kingo keer ineendet.
Ago ki ma cham Josiah kobagaakta ineendet, ago kiwalgei koek age si kobiit kobargei ak ineendet, ama kas ng'aleegap Neko che ki punu kutitap Kamuktaindet, ak ki nyo kobargei eng' atebweetap Megiddo.
Komut anyun otwogikyik ineendet eng' chepkichutit, ak konde ineendet chepkichutit ne po aeng' ne ki tinyei, ak ki imut ineendet konyo Jerusalem; ak kime ak ki kitupchi kereeriisyegap kwanisyekyik. Ak ki riirchi Josiah Judah tugul ak Jerusalem.
Ak kootee emet, iteei ooreet age tugul ineegei; iteeitos che po kootap Daudi icheegei, ak kooteeiyo osotikwak icheegei; iteeitos che po kootap Nathan icheegei, ak kooteeiyo osotikwak icheegei;
“Ak kotook anyun eng' kipsengwet kaboorunetap Weeriitap chii, ak koteiyo anyun pororyosyek tugul che po ng'wony, ak kogeer Weeriitap chii konyonei eng' pooligap kipsengwet kobooto kimnateet ak liilindo ne oo.
Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.