SEKARIA 12:10 - BUKUIT NE TILIIL Sireet ne Dutero Kanon Ak ande muguleldap myeeindo ak ne po saaet kootap Daudi, ak piik che menyei Jerusalem, ak konyala icheek che kitoora: ak kootee agobo ineendet ko uu ye iteei chii agobo weeriinnyi ne ki kiii inegeik ak konyo ng'wanindo agobo ineendet, ko uu ineendet ne mi eng' ng'wanindo agobo taaitanyi. Bukuit Ne Tilil Ak ande muguleldap myeeindo ak ne po saaet kootap Daudi, ak piik che menyei Jerusalem, ak konyala icheek che kitoora: ak kootee agobo ineendet ko uu ye iteei chii agobo weeriinnyi ne ki kiii inegeik ak konyo ng'wanindo agobo ineendet, ko uu ineendet ne mi eng' ng'wanindo agobo taaitanyi. BUKUIT NE TILIL Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi. |
Ki ma imuuch Joseph anyun komuita eng' taitap piik tugul che ki tonondos eng' ole neegitee ineendet. Ki ng'at ak komwa eng' tuugeet ne oo kole, “Omaande chii tugul eng' ole ami.” Ki ma ng'et chii ne ki mi ak Joseph, ye king'aang'jigei `ineendet tupchosyekyik.
Amu ye ki aa ming'in eng' kootap abba, ki aa tala ak ki aa chamat eng' taitap kamennyu,
agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.
Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.
Ki asigu iman ko ki awelelage; ak ki arabach kubestanyu ko kagineta: Ki alilan, ee ki atoptoben, amu ki aiboti teweernatetap ming'inatennyu.
Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.
Pwoonei eng' peetuusyechooto ak eng' peetuunooto, piigap Israel, icheeget ak lagogap Judah, mwaei Kamuktaindet ne Toroor; pendi koriiryoti, ak kocheeng'oti Kamuktaindet ne Toroor Kamuktaindennywa.
Ee cheptap piikyuk, kermenegei kuniok, ak iburburegei oreek. Itee ko uu ye kitee agobo weeriit ne ki kisich ineegei, kateet ne ng'waan miising'; amu ng'emindet konyonjinech kocheeu.
Ak obwaat eng' olooto ortinwekwok ak poisyonikwok tugul, che ki ong'wanitegei; ak osaske amu yaitwogikwok tugul che ki oyai.
Ak andeok Kabuusennyu, si osapche, ak andeok emeng'wong' si kobiit onai ole anee Kamuktaindet ne Toroor ne kamwae ng'olyoondoniito, ak ayai, mwaei Kamuktaindet ne Toroor.
ama aung'e icheek togeennyu kogeny; amu kaaroong'ji Kabuusennyu kootap Israel, mwaei Kiptaiyat Kamuktaindet ne Toroor.
Awale igoorwekwok koek riirek, ak awal tyenwogikwok tugul koek kateiyet; agoochini piik tugul kogermenegei kuniok, ak koam poosto chii tugul; ayae nooto koek che kiriirchin weeriit ne ki kiii ineegei, ak ayae kagesunennyi koek peetuut ne ng'waan.”
Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.
Ki itaany anyun `Musa ereneet ne po sugunwet ak ki inde keetit ak kootonon. Ngo sus ereneet chii age tugul, ak konyal erenanooto po sugunwet, kosap.
“Ak kotook anyun eng' kipsengwet kaboorunetap Weeriitap chii, ak koteiyo anyun pororyosyek tugul che po ng'wony, ak kogeer Weeriitap chii konyonei eng' pooligap kipsengwet kobooto kimnateet ak liilindo ne oo.
Ki ibwaat Petero ng'olyoot ne kiga komwa Jeso kole, “Kotom koote kipsoiywet, ieesyoa konyil somok.” Ak kimanda saang' ak koriir eng' ng'wanindo.
Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!
Icheek che po kamuratanet che ki iyani che kibwanei kobooto Petero ko ki kwong'yo amu kageroong'ji Pororyosyek ak icheek konunetap Kabuuset ne Tiliil;
Ak ye kinga tau ang'alaal, kochoorchigei `Kabuuset ne Tiliil icheek ko uu ye kichorchechkei agacheek eng' taunet.
‘Tuun eng' peetuusyek che po let, mwaei Kamuktaindet, aroong'jini piik tugul Kabuusennyu ne Tiliil, ak komaoten weeriikwok ak tiibiikwok, ak kogeer murenikwok ng'ang'utik, ak korwotyi poisyekwok karwotitaosyek.
Amu itoroorot ineendet eng' eutap tai ne po Kamuktaindet, ak ko kagetaach eng' Kwanda kayomiset ne po Kabuuset ne Tiliil, ko kagoroong' anyun niito ogeere ak ogase.
Kingo kas anyun niito, kotoor mugulelwekwak, ak koleenji `icheek Petero ak che kiyooktoi chuun alak, “Che kitupche, ki yai nee?”
Amu ki ma otaach kogeny muguleldap otwoknot ne koonok oiyweisye; ago ki otaach Kabuuset ne Tiliil ne ki kiyaenak oegu lagogap Kamuktaindet. Eng' nooto anyun ye kiriire keele, Abba, Kwanda
Ak toreti ko uu nooto agine Kabuuset ne Tiliil nyalulennyo: amu ma kingen kesaa ko ye nyolu; ago saiywech Kabuuset ne Tiliil ineendet eng' tigenoik che ma kimuuchi kemwa;
Osaa peetuusyek tugul eng' Kabuuset ne Tiliil kobooto saaet tugul ak kagaigaet, ak oriipsei eng' nooto eng' kagiiletapkei tugul ak kagaigaet, agobo tugul che tiliileen.
kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.
Ago okweek, chamanichu, ogimiitkei eng' kayaneng'wong' ne tiliil miising', ak osaae eng' Kabuuset ne Tiliil.
Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.
Kichaang'it peetuusyek kobooch ngo tebee moinget Kiriath-Jearim; ki ek kenyiisyek tiptem, ak ki riirchi koot tugul ne po Israel Kamuktaindet ne Toroor.