NG'ATUTIK 5:6 - BUKUIT NE TILIIL Sireet ne Dutero Kanon Aa Kamuktaindet ne Toroor Kamuktaindeng'ung', ne ki among'un eng' emetap Misiri eng' kootap otwoknateet. Bukuit Ne Tilil Aa Kamuktaindet ne Toroor Kamuktaindeng'ung', ne ki among'un eng' emetap Misiri eng' kootap otwoknateet. BUKUIT NE TILIL A Jehovah Kamuktaindeng’ung’ ne kiamoong’un eng’ emetab Misri, eng’ gotab otwoknatet. |
Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.
Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.
ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.
Amu ki amutun itogosu imong'u eng' emetap Misiri, ak ki atyachin imang'une kootap otwoknateet; ak ki ayookte Musa, Aron, ak Miriam kondoun.
Ago okweek che ki onamgei ak Kamuktaindet ne Toroor Kamuktaindeng'wong' kosabei ra age tugul eng' okweek.
Ogaso ee Israel! Kamuktaindet ne Toroor Kamuktaindennyo, ko Kamuktaindet ne Toroor agenge;
Ago amu ki chamaak Kamuktaindet ne Toroor ak koriip kayasyoet ne ki iyasyechi kwanisyekwok, komoong'wok anyun ineendet eng' euut ne kiim ak kotyachak eng' kootap otwoknateet, eng' eutap Pharaoh laitoryatap Misiri.
Memeen anyun ak iutye Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet,