KIRUOGIK 19:16 - BUKUIT NE TILIIL Sireet ne Dutero Kanon

Ki nyo poiyot age ne ki punu poisyennyi eng' mbar koskoleny. Ki po chiichooto emetap tuloonoogap Ephraim, ak ki meny Gibea koek toondet. Ki piik che ki menyei Gibea ko Benjaminik.

Bukuit Ne Tilil

Ki nyo poiyot age ne ki punu poisyennyi eng' mbar koskoleny. Ki po chiichooto emetap tuloonoogap Ephraim, ak ki meny Gibea koek toondet. Ki piik che ki menyei Gibea ko Benjaminik.

BUKUIT NE TILIL

Ak ogeero, kinyo boiyot age ne kibunu boisiennyi eng’ mbar koskoleny: ki bo chichoto emetab tulonokab Epraim, ak kimeny Gibea koek toondet; ago ki Benjaminik bikab oloto.

KIRUOGIK 19:16 Referencias Cruzadas

TAUNET 3:19

Iame amitwogik eng' kaotigap togeng'ung' kot koit iweekyigei ng'wony amu ki kinemunenen yooto; amu ii ng'ung'uny, iweekyinigei ng'ung'unyek.”

TIENWOGIKAL 104:23

Wendi chiito poisyennyi kwo kobois agoi koimen.

TIENWOGIKAL 128:2

Amu iame poisyonigap euneguk; ibaibaitu ak italbisi.

KALEWANAIK 13:11

Ichuchugaksei mogornateet ne ki kinyooru eng' menoteet, ago tesoksei che po chiito ne iyumi ko tutigin.

KALEWANAIK 14:23

Tinyei kelunet poisyet age tugul, ago ibu pananda ng'aleek icheegei.

KALEWANAIK 24:27

Chop poisyeng'ung' eng' ole po saang', chopchigei kiy age tugul eng' mbar; yeityo iteech koong'ung'.

AMDOINDET 1:13

Ki agiil muguleldanyu kocheeng' ak kosyach eng' utaatyet agobo tuguuk tugul che kiyaei eng' kurereetap kipsengwet. Ki igoochi Kamuktaindet weeriigap piik poisyet ne po nyalilda kotigone.

AMDOINDET 5:12

Anyiny rwondap chiito ne poisyei, ngo am che ng'ering' anan che chaang'. Ago ma inuuktos mogoreek amu piyendanywa.

HOSEA 9:9

Kigong'emgei miising', ko uu eng' peetuusyegap Gibea: ibwaati ineendet tengektonywa, iityin pireet amu tengekwogikwak.

EPESOEK 4:28

Ineendet ne kigochoorso ko matata kochoorso: ago kaigai kobois, koyai eng' eunekyik nooto myee, si kobiit kosich kiit ne igoochin ineendet ne panani.

2 THESSALONIKEK 3:10

Amu agot ye ki kimi kobootok, ko ki king'atak ko uu ni, keele ngo ma cham chii age tugul kobois, ko matongoamis.

KIRUOGIK 19:1

Ak eng' peetuusyechooto, ye ki ma komi laitoryat Israel, ki mi Lawindet age ne ki menyei komosin eng' emetap tuloonook ne po Ephraim, ne ki imutyigei chebaigeiyat eng' Beth-lehem-juda.

KIRUOGIK 19:14

Kisiirto anyun koba pandanywa ak kirorokta asiista kota kobendi ko neegit koit Gibea, ne po Benjamin.

KIRUOGIK 19:15

Ki masta icheek koba olooto, koba koruiyo Gibea. Ki wo oriit, ak kotebi ng'wony eng' ooreetap nganaseet, amu ma piit chii ne ki imut icheek koba koonnyi koruiyo.

KIRUOGIK 19:17

Ye kitabendo inee kogeer kiprutoiyot eng' ooreetap nganaseet, ak ki le poiyondonooto, “Iwendi ano ak ibunu ano?”