KAITOSYEK 18:10 - BUKUIT NE TILIIL Sireet ne Dutero Kanon Iame tuguuchooto eng' ole-tiliil. Amei age tugul ne muren; egu ne tiliil eng' inyee. Bukuit Ne Tilil Iame tuguuchooto eng' ole-tiliil. Amei age tugul ne muren; egu ne tiliil eng' inyee. BUKUIT NE TILIL Iame tukchoto eng’ ole tilil: amei age tugul ne muren; egu ne tilil eng’ inye. |
Ki leenjo anyun, Kooriik che mengeechen che mi murot kaataam ak che mi murot tai, che tokyindos ak komosato mi taban, chooto ko kooriik che tiliileen, ole ame tisiik che neegitee Kamuktaindet ne Toroor tuguuk che tiliileen miising': konoree olooto tuguuk che tiliileen miising', kobooto kagoochinoigap peek che ng'ootiin, ak kagoochinoigap tengekto, ak kagoochinoigap chalwokto; amu tiliil komosato.
Oame eng' ole-tiliil, amu kebebertang'ung' niito ak weeriiguk, eng' kagoochinoik che punei maat che kigoochin Kamuktaindet ne Toroor, amu ki king'ata ko uu nooto.
“Amu nee si moam kagoochinetap tengekto eng' ole-tiliil? Amu tiliil miising' kot; kagogoonok ineendet nooto koip tengektap tuiyet, si koyai kagaigaet agobo icheek eng' taitap Kamuktaindet ne Toroor.
Enyei anyun mengoto ming'in eng' komosta ne kieng'e kagoochinetap tengekto ak kagoochinet ne kibeelei, eng' ole-tiliil. Amu ko uu ye punjin kagoochinetap tengekto tisiindet, ko uu nooto punjin ineendet kagoochinetap chalwokto; kogoochinet nooto ne Tiliil miising' kosiir.
Amei ineendet amitwogigap Kamuktaindennyi chooto tiliileen miising' ak eng' chooto tiliileen.
Amei Aron ak weeriikyik che kong'etune chooto. Kiamei ama kinde mermereek eng' komosta ne tiliil; amei eng' seremutap emait ne kituiyechin.
Amei chooto age tugul ne muren eng' lagogap Aron ak koek nooto ng'atuutyet ne po agoi eng' ibinwekwok eng' kagoochinoigap Kamuktaindet ne Toroor che kigoochin kobun maat. Kiy age tugul ne tiinyei ko tiliilitu.”
Tisiindet ne igoitoi kagoochinetap tengek ko amei kebeber eng' nooto. Ki amei eng' komosta ne itabaanat eng' seremutap emait ne kituiyechin.
Amei mureno age tugul eng' tisiik panyechooto; ki amei eng' komosta ne tiliil. Tiliil niito miising'.
“Neng'ung' ni agine: kagoochinennywa ne kinamjin parak ne po konunenywa eng' kagoochinoikwak tugul che kiongoi che po piigap Israel. Kaagoonin chooto kobooto weeriiguk ak tiibiiguk, ko uu ng'atuutyet ne po koigeny. Amei chii age tugul ne po koong'ung' ne ma ng'waan.
Egu cheguuk tuguuchooto eng' che tiliileen miising', che kita kibeelei: kiy age tugul ne koonu icheek, che ibwo, ngo kagoochinennywa age tugul ne po peek, konunennywa age tugul ne po tengekto, anan agot age tugul ne po kachililutyet, ko punjinin inyee ak weeriiguk.