Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.
JEREMIA 5:18 - BUKUIT NE TILIIL Sireet ne Dutero Kanon “Ago agot eng' peetuusyechooto, ko mageswok,” mwaei Kamuktaindet ne Toroor. Bukuit Ne Tilil “Ago agot eng' peetuusyechooto, ko mageswok,” mwaei Kamuktaindet ne Toroor. BUKUIT NE TILIL Ago mwaei Jehovah kole, Agot eng’ betusiechoto, ko mageswok. |
Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.
Otogoste irimoikyik ak ong'em, ago mong'em ogesu. Oiste mooriikyik, 2 amu ma po chooto Kamuktaindet ne Toroor.
Amei `icheek peekwok ak amitwogikwok, amei kowong'u weeriiguk ak tiibiiguk; amei `icheek keechiireguk ak akwotisyeguk, amei keetiiguk che po sabibuk ak mogooniguk. Eng' rotwetap chok kobutei nganasook che ng'ootaatiin chooto imang'u.”
Ak ye tuun teep piik kole, “Amu nee si koyaiywech Kamuktaindet ne Toroor Kamuktaindennyo tuguuchuuto tugul?” Ileenji anyun, “Ko uu ye ki ometa ak oot kanamonik che teer eng' emeng'wong', oote ko uu nooto toek eng' emet ne ma neng'wong'.”
Ak kime Pelatiah weeriitap Benaiah ye ki amaoteni, ki abut anyun kot kotiiny togeennyu ng'wony, ak ariir eng' kutit ne oo, ale, ee, Kiptaiyat Kamuktaindet ne Toroor! Tos igeesu che ki ng'et che po Israel?
Nganda uu nooto, kogiriree kondanyu icheek si ma ng'em, ama ageesu icheek eng' surkwen.
Ak ye kita kobarisyoti, ak kigang'etu eng' yooto, abut kot kotiiny togeennyu ng'wony, ak ariir, ak amwa ale, ee, Kiptaiyat Kamuktaindet ne Toroor! Tos ibare piik tugul che ki ng'et che po Israel eng' nereegeguk che ng'woneen che roong'jingei Jerusalem?
Tos, me po koigeny, inyee, ee Kamuktaindet ne Toroor Kamuktaindennyu, Ineendet ne Tiliil ne nenyu? Ma kibegu. Ee Kamuktaindet ne Toroor, ki ichopchi ineendet kirwooget; ak ee inyee rwandet, ki igimit ineendet si kobiit kitigon.