JEREMIA 48:13 - BUKUIT NE TILIIL Sireet ne Dutero Kanon Ak kolilaan Moab amu Kemos, ko uu ye ki ililan kootap Israel agobo Bethel, ne ki imang'u. Bukuit Ne Tilil Ak kolilaan Moab amu Kemos, ko uu ye ki ililan kootap Israel agobo Bethel, ne ki imang'u. BUKUIT NE TILIL Ak kolilan Moab amu Kemos, ko u ye kiililan gotab Israel agobo Bet-el, ne kiimang’u. |
Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.
Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.
Ki leenji `Elijah icheek, “Onam maotigap Baal; amat ongochilil agot agenge!” Ki nam anyun icheek, ak komut `Elijah kochoorchigei kererutap Kison, ak kobarchi yooto.
Kolalyo anyun nereegegap Kamuktaindet ne Toroor agobo Amasia, ak koyookyi maotyot ne ki mwachi ineendet koleenji, “Amu nee si icheeng' kanamonigap piik, che tomo kosar piikwak eng' eung'ung'?”
Ye kagoborgei Moab, ye kabirtogei eng' oli toroor, ak konyoor oldanyi ne tiliil si kobiit kosa, koma iterteerisyei.
Eng' peetuunooto ko laktoi chiito kanamonikyik che po fedha, kolaktoochi pung'ung'onik ak reresik ak kanamonikyik che po thahabu, che ki kiyachi ineendet si kosa,
Oyumgei obwa; oriigu tugul, okweek che ki ochilile pororyosyek: ma tinyei naet icheek che ibei keetitap kanamwennywa ne ki kiwai, ak kosaaei kamuktain ne ma imuuchi kosar.
Ogeer anyuno, pwoonei peetuusyek, mwaei Kamuktaindet ne Toroor, che ayookyini ineendet piik che rong'u, ak koranda ineendet; ak korong' kogeskei eng' tereenikyik, ak kotui sotonikwak.
Kitepto ano si koyie! Iteitoi ano icheek! Katepto ano si kotukta patai Moab eng' kalilanet! Egu anyun Moab ne kirorechin ak koek ne kwong'ee icheek tugul che mi tabanwekyik.
Pwo! Inyee, ee Moab! Kagogeskei piigap Kemos: amu kageluul weeriiguk, ak kageluul tiibiiguk.
Amu-i, kiluulin aginye, amu kaimang'u poisyoniguk ak konoraiguk: ak keluul Kemos, kobooto tisiikyik ak pounikyik.
Tos meibe kobunjiin ne kigoonin Kemos kamuktaindeng'ung'? Nooto anyun, age tugul ne oonei Kamuktaindet ne Toroor, Kamuktaindennyo eng' tainnyo, kename chooto kobunjech.