ISAIAH 41:4 - BUKUIT NE TILIIL Sireet ne Dutero Kanon Ng'oo ne ki kobois ak kogees, ne kuurei ibinwek kobooch taunet? Anee Kamuktaindet ne Toroor ne po tai, ak ne po let, aa ineendet. Bukuit Ne Tilil Ng'oo ne ki kobois ak kogees, ne kuurei ibinwek kobooch taunet? Anee Kamuktaindet ne Toroor ne po tai, ak ne po let, aa ineendet. BUKUIT NE TILIL Ng’o ne kigobois ak koges, ne kuurei ibinwek koboch taunet? Ane Jehovah ne bo tai, ak ne bo let, a inendet. |
Ng'oo ne kiger peek kogeer ole tee eng' rubeitanyi, ak kokwa kipsengwet eng' moriikyik, ak konai ole tee temburyegap ng'wony eng' karagendoet, ak korogendo tuloonook eng' ratilisyek, kobooto tuloonook che mengeechen eng' kiit ne kirogendoisye?
Onyal parak, ogeer ole ng'oo ne ki toi koyai chuuto, ne imutu lugeennywa kobee koitet: kuurei tugul eng' kainaikwak, eng' ooindap kamugennyi, ak kiim ineendet eng' kamuktaet, ma peet agot agenge.
Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.
Ng'oo ne ki komwa ng'olyoondoni kobooch taunet, si kobiit kenai? Ak ne kisip komwa, si kobiit kemwa keele, Po ineendet imanda? Ee, ma mi agot agenge ne mwaei, ee, ma mi agot agenge ne ibooru, ee, ma mi agot agenge ne kasei ng'aleekwok.
Ki igoito ng'oo Jakobo keluul, ak ki igoito ng'oo Israel kogoochi rebiik? Tos ma Kamuktaindet ne Toroor? Ineendet ne ki kiyachi acheek tengekto, ak ne ki ma cham icheek kobendatee ortinwekyik, ama kas iit ng'atuutyennyi.
Oo paorinikyuk, mwaei Kamuktaindet ne Toroor, ak otwogindennyu ne ki alewen; si kobiit onai ak oyana, ak oguiye ole aa ineendet; ma mi Kamuktaindet age ne kisip keyai eng' anee, ama kobiitu age eng' let.
Ee, aa ineendet kobooch agoi, ama mi age ne imuuchi korep eng' eunnyu: aboisyei, ak ng'oo ne imuuchi koger?
ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:
Oepcha iit, ee Jakobo, ak Israel nenyu, ne ki aguur: aa ineendet; aa ne po tai, ak ko aa ne po let kogeny.
“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”
oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”
Ki yai eng' `chiito agenge pororyet age tugul ne po piik si komeny ng'wony komugul, ko kagoboorchi kenyiisyek che ki king'at, ak kiwotosyegap meng'ootennywa;
Ogeer anyun nguno ole anee, ko aa ineendet iman, Ma mi kamuktain, ami aneege. Abare ak asoobi; Ki aguoten ak ki anyaa: Ak ma mi ne imuuchi kosar eng' eunnyu.
koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”
Kinga keer ineendet, abutyi keelyekyik ko uu chiito ne kagome. Ago ki igonoora eunnyi ne po tai, ak kole, “Meiywei! Aneendet ko aa ne po tai ak ne po let.
“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.
“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny: