AMDOINDET 2:8 - BUKUIT NE TILIIL Sireet ne Dutero Kanon Ki ayumjige kogeny fedha ak thahabu, ak konoraik che korooron che po laitorinik ak che po emotinwek: ki alewenjigei tyeniik che murenik ak che kwonyiik ak poiboiyosyegap weeriigap piik, chebaigeinik che chaang'. Bukuit Ne Tilil Ki ayumjige kogeny fedha ak thahabu, ak konoraik che korooron che po laitorinik ak che po emotinwek: ki alewenjigei tyeniik che murenik ak che kwonyiik ak poiboiyosyegap weeriigap piik, chebaigeinik che chaang'. BUKUIT NE TILIL Kiayumjige kogeny feda ak tahabu, ak konoraik che kororon che bo laitorinik ak che bo emotinwek: kialewenjige tienik che murenik ak che kwonyik, ak boiboiyosiekab werikab bik, chebaigeinik che chang’. |
Aa po rani kenyiisyek tamanwogik sisiit. Tos ta amuuchi abesyo ne myee ak ne ya? Ta komuuchi otwogindeng'ung' kogas kiit ne chamu tuguuk che aame anan ko che aee? Ta amuuchi agas cheetap murenik che tyendos ak kwonyiik che tyendos? Amu nee anyun si kota koek mileet otwogindeng'ung' kogeny, eng' kiptaiyandennyu laitoryat?
Ki igoochi anyun `kwonyooto Solomon keruutik eliphuusyek ang'wan che po thahabu, nyamdutik che ng'uu ne anyiny che chaang' miising' ak koik che po kamanuutyet ne oo: ki mata keip kogeny nyamdutik che ng'uu ne anyiny ng'iisyat che tee chooto che ki igoochi laitoryatap Sheba Laitoryat Solomon.
Ki kiipchi Solomon eng' kenyiit agenge thahabu che po nyigiisindanyi keruutik eliphuusyek tiptem ak aeng',
Ki po thahabu tuguuk tugul che keeise che po Laitoryat Solomon, ak tuguuk tugul che ki kiboisyee eng' kootap timdap Lebanon ko ki po thahabu che tiliileen. Ki ma komi agot agenge ne po fedha; ki ma ko kiy fedha eng' peetuusyegap Solomon.
Ki tinyei osotik pogol tisap, che ki tiibiigap pounik, chebaigeinik pogol somok. Ki imaas osotichooto muguleldanyi.
Ki yai Rehoboam long'onik che po sugunonik kogeere chooto, ak kogoochi kiptainigap riibiik che ki riibei kurgeetap kootap laitoryat.
Kiga koiyookyi `Hiram Laitoryat Solomon keruutik eliphuusyek somok ak pogol lo che po thahabu.
Ki pa icheek Opir, ak koip thahabu che po keruutik eliphuusyek taman ak sisiit eng' olooto, koipchi Laitoryat Solomon.
Ki itabaan kogeny Daudi ak kiptainigap lugeet alak eng' weeriigap Asaph, che po Herman, ak che po Jeduthun, kotaabanji poisyet, si komaotenso eng' ketubosyek, kibugandinik ak sanisyek che po sugunonik che kibirei. Koitetap icheeget che kiyaei poisyet ko uu otisyennywa ko:
Ki pou chuuto tugul kwandanywa si kotyenso eng' kootap Kamuktaindet ne Toroor, kotinyei sanisyek che po sugunonik che kibirei, ak ketubosyek, agobo otisyetap kootap Kamuktaindet. King'atei laitoryat Asaph, Jeduthun ak Herman.
Kiboisyee laitoryat keetichooto po almug koyae ole kitogostoe eng' kootap Kamuktaindet ne Toroor ak eng' kootap laitoryat; kiyae kora ketubosyek ak kibugandinik che po tyeniik. Kitomo kogeerei chii tuguuk che uu chooto eng' emetap Judah.
koma pooto otwogikwak che murenik ak che tiibiik, ki ek chooto eliphuusyek tisap ak pogol somok ak sosom ak tisap. Ki tinyei tyeniik che murenik ak kwonyiik pogol aeng'.
icheek che tyeni tyenwogik che po puch eng' cheetap kibugandet; che chopchingei tuguuk che po tyenwogik, ko uu Daudi;