1 SAMUEL 2:26 - BUKUIT NE TILIIL Sireet ne Dutero Kanon

Ki eet anyun lakwanooto Samuel ak ki chamat eng' Kamuktaindet ne Toroor ak eng' piik ak icheek.

Bukuit Ne Tilil

Ki eet anyun lakwanooto Samuel ak ki chamat eng' Kamuktaindet ne Toroor ak eng' piik ak icheek.

BUKUIT NE TILIL

Kieet anyun lakwanato Samuel, ak ki chamat eng’ Jehovah, ak eng’ bik agichek.

1 SAMUEL 2:26 Referencias Cruzadas

TAUNET 39:4

Ki chamak anyun Joseph eng' ineendet, ak kiboisyechin ineendet. Ki inde `Potipar ineendet koek riibindetap poisyennyi, ak ki inde tuguukyik tugul eunekyik.

KALEWANAIK 3:3

Amecham koistoenengei rireenet ak iman. Ratyi kaating'ung', sirchi muguleldang'ung'.

KALEWANAIK 3:4

Si inyooru anyun chameet ak kaguiyet ne myee eng' taitap Kamuktaindet ak piik.

LUKA 1:80

Ak ki ner lakwanooto, ak kotesak kogimit eng' saboondo, ak ki meng'ooti surkwen agoi peetuut ne ki iboorchigei Israel.

LUKA 2:40

Ak kiner lakweet, ak kotesak kimnateet, ak ki nyi utaatyet: ak ki mi myeeindap Kamuktaindet kobooto ineendet.

LUKA 2:52

Ki tesak utaatyetap Jeso, ak etunateet, ak myeeindo eng' Kamuktaindet ak eng' piik.

POISYONIGAP CHE KIYOKTOI 2:47

kolasu Kamuktaindet ak ki poiboi piik tugul agobo icheek. Ak eng' peetuut age tugul ko ki tesyin `Kiptaiyat icheek piik chooto ki nyooru sorunet.

ROMANIK 14:18

Amu ineendet ne otei Kristo eng' tuguuchuuto koboiboi Kamuktaindet, ak koyanjin piik.

KIRUOGIK 13:24

Ki sich kwonyooto weeriit ak koguuree kainennyi Samson. Ki eet lakweet ak ki iberuur `Kamuktaindet ne Toroor ineendet.

1 SAMUEL 2:21

Ki rutoochi `Kamuktaindet ne Toroor Hannah ak kingo manach, kosich weeriik somok ak tiibiik aeng'. Ak kieet lakweet Samuel eng' taitap Kamuktaindet ne Toroor.

1 SAMUEL 3:19

Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.