Mattheu 11:14 - Contemporary Southern Sotho Bible 2024 Mme ekare ha le rata ho di amohela, enwa ke Elia ya neng a tla tla. Sesotho 1909/1961 (SO) Mme ha le rata ho amohela polelo ya ka, ke yena Elia ya neng a tshwanetse ho tla. BIBELE mme ha le ka kgolwa taba eo, Johanne ke yena Elia ya neng a tshwanetse ho tla. Baasraak Sotho NT Mme ekare ha le rata ho di amohela, enwa ke Elia ya neng a tla tla. |
O tla mo etella pele ka moya le ka matla a Elia, ho sokollela dipelo tsa bontate ho bana ba bona, le ba sa mameleng bohlaleng ba ba lokileng; ho lokisa setjhaba se lokiseditsweng Morena.
Ke sa na le ditaba tse ngata tseo nka le bolellang tsona, empa le sitwa ho di jara jwale.
Ke le fepile ka lebese, e seng ka dijo, hobane le ne le eso ho kgone ho mamella, leha e le hona jwale le ka se kgone.
Yaba ke bona diterone, mme ba bang ba dula hodima tsona, ba filwe matla a ho ahlola; ka bona le meya ya ba kgaotsweng dihlooho ka baka la bopaki ba Jesu le ka baka la lentswe la Modimo, le ba sa kang ba kgumamela sebata, leha e le setshwantsho sa sona, ba sa kang ba amohela letshwao la sona diphatleng tsa bona le matsohong a bona; ba boela ba phela, mme ba busa le Kreste dilemo tse sekete.