Bakaanelabu 20:9 - Jola-Kasa

Muñeˈe li baj añiil áyine akee an koone Atíkus abahe li kayiiwaku kata ejangeelayi yata káfitaku. Li ámooli, li ánafen mata Fool lawaalewaale fiyo ŋáa’. Emmuu lámoolimooli ánafen ŋáa’, li álowumul haatiya eluufayi éhaajutayi boot teetaam. Nan kúl̥aaluloomuu, li kujuk koon lakeeket.

Bakaanelabu 20:9 Referencias Cruzadas

Maak 13:36

Anáyinaawu ata eluufayi álaañulumuu li mahile, jakum atookuul mámooliye.

Maak 9:26

Mal̥egen buyinumabu bajakutumuu li bukaaw butiya, ban li búlilliŋen añiilawu li sembe min búfu’ li akila. Añiilawu li afan anokoo to loon an akete, gay bukan kameeŋe kalako to li koon lakeeket.

Bakaanelabu 14:19

Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket.

Bakaanelabu 20:10

Fool li áwalowul áliiŋul, li ásiten min ajuke Atíkus aban, li atebool ban li aan: — Sákoluul! Lalonloŋ!

Bakaanelabu 20:7

Li líiŋ li hunakahu hútinaalahu hata esimenayi, li jiwoogoo boot kamunculoo húmbuuluwahu. Fool li alako elob li bukanabuku káyinenumuu. Emmuu hunak hukaten láami li ajow, li awaale kale hukahu hujow hulit ŋáa’.

Bakaanelabu 20:8

Babbaj sihiitum sameeŋe ŋáa’ li káfitaku kata haatiya eluufayi dán jiwoogumuu.