Hechos 12:21 - Kaxinawá Bíblia (BR)

hanua shaba betsatiã Herodesĩ hatu hãtxa wakatsi hatu kenaxina bea shanẽ ibu betsaburi beria itxa maniabũ hatũ besuuri Herodesĩ itxati tari hawẽruahaira sawea hanushũ yunumis anu tsaushũ hawẽ hãtxa hatu yuikĩ taewaya

Kashinawa : Diosun Jesúswen taexun yuba bena yiniki

janua xaba betsatian Herodesin jatu jancha wakatsi jatu kenashina bea xanen ibu betsabudi bedia icha maniabun jatun besuudi Herodesin ichati tadi jawenduajaida sawea januxun yunumis anu tsauxun jawen jancha jatu yuikin taewaya

Hechos 12:21 Referencias Cruzadas

1 Reis 22:10

hanua habu ikirã, Samaria hikiti shui anu hikikaĩ hemaĩtĩ shaba turu anu ha shanẽ ibu dabe haya detenamei kati tari sawea shanẽ ibuhairatũ tsauti dabe anu tsauabũ hanua hatu bebũ Acabẽ Deusũ hãtxa yuishunikabu dasibibu nishi paewẽ paeã keskatã hatu hãtxa pepawẽ yuikubainaibũ

Provérbios 18:12

Ha dukũ kanei ibubis kẽkũkainaiwẽ taearã, txipu ana hawa hayama keyushanikiki. Hakia ibubis keĩsmarã, txipu hawẽ hamapai hawẽruawai shabakabishanikiki.

Malaquias 3:15

Hakia nukũ hatu uĩkinã, habu ibubis keĩ benima bestiaibu nũ uĩmiski. Ha inũ, hunibu txakabubiakĩ mabu mirima itxawakĩ bikubaĩmisbuki. Habunã, Deusũ hau ea kupinũ, iwanã, unãti wamabiabu hawa Deusũ hatu kupiai meriabumaki’, ikĩ mã shinãkubaĩmisbuki”, hatu wanikiaki.

Mateus 27:19

hanu Pilatos governador tsauti anu tsauriakẽ hawẽ aĩnẽ hãtxa bumakĩ yuikĩ: —Jesuswẽ taea ẽ nama txakaxinaii. Haskawẽ taeshũ ha huni pepa hawa hatubetãs hakiri txakabu yuikĩ hawa yunuyamawe— aka hushũ hawẽ tsumapã yuishũbiaya

Hechos 12:20

Hanua Tiro anuabu inũ Sidom anuabuki Herodes hatuki sinataya Tiro inũ Sidom yurabũ piti Herodesĩ maiwã anua bimisbuwẽ taeshũ shanẽ ibu Herodes daewakatsis iki habe shanẽ ibu beshmas Herodes merabewamis Blasto anu beshũ hau hatu merabewakĩ daewamashanũ haibu watã yukaxinabu

Hechos 12:22

hanushũ hunibũ habũ hawẽ hãtxa nĩkakĩ abukĩ unãshubima yuikĩ kẽwãkĩ: —Na Herodes hãtxairã, huni keskamaki. Ha deus betsa keskai hãtxaikiki— akaibũ

Hechos 24:1

hanua ma cinco dia binukainaya Deusbe hawenabu hãtxashunika shanẽ ibuhaira hawẽ kena Ananias mae ewapa Cesaréia anu kakĩ judeu mekenika betsabu inũ huni unãnepa pe hatu hãtxashunika hawẽ kena Tértulo Jerusalém anua hatube kai hikitã Paulo txitenũ ika shanẽ ibu Félixsĩ besuuri itxabũ

Hechos 25:23

hanua ushaxini mexukiri hatũ tari pepa sawea hawẽruabiranaibu hatu kẽwãbirãkĩ teperewe mawabainaibũ shanẽ ibu Agripa hawẽ pui Berenicebe inũ Romano soldado shanẽ ibubu inũ Cesaréia anua shanẽ ibu beshmasbu hanushũ unãti wamis dĩtu anu hikibaina maniabũ Festõ hatu yunua Paulo iweabũ