2 Samuel 20:4 - Kaxinawá Bíblia (BR) Hanushũ hawẽ detenamenika shanẽ ibu Amasa Davĩ kenashũ yunukĩ: —Judá hunibu dasibi itxawakĩ hatu yuikubaũtãwẽ. Shaba dabe inũ besti kaya hatu itxawabirani hatu iwei hushãwẽ— aka |
Joabe Davibe kashiãwẽ taeshũ hawẽ detenamenikabu shanẽ ibu bena katukatsi ikĩ hau hatu bebushunũ Absalãonẽ Amasa katunikiaki. Amasã eparã, Ismaelĩ enabu betsa hawẽ kena Itra inikiaki. Itra Abigailbe txutanamemisrã, Abigail inũ hawẽ betsa Zeruia Naásũ bakebu inikiaki. Zeruia Joabẽ ewa inikiaki.
hanushũ Amasakiri hãtxa bumakĩ yuikĩ: ‘Mĩ ẽ puĩ bakewẽ taea nũ habias namiki. Joabe shãtukũ ẽ detenamenikabũ mĩ hatũ shanẽ ibu ikũkaĩshanũ ẽ mia katui kakatsi shinaiĩ. Haska ẽ mia yubai nĩkawe. Ẽ mia yubashina ẽ mia akamakẽ Senhor Deusũ hau ea kupihairashanũwẽ’ ”, hatu wa Zadoque inũ Abiatarĩ habias hãtxa Davikiri hatu yuishunabu
haska nĩkatã Judá enabũ hunibu dasibibũ shinã betsa watã habiaskas shinãkĩ hatũ hãtxa Davikiri yuikĩ: “Shanẽ ibu Davirã, hau dasibi hawẽ shanẽ ibu beshmasbube Jerusalém anu hau txĩtũrikiranũwẽ”, ashiãbu