Lucas 8:41 - Kashinawa : Diosun Jesúswen taexun yuba bena yiniki

ichati jiwe anuxun yunumis xanen ibu betsa Jairon Jesús bechitan jukidan ja bebun di iki beutan ea akin yuikin: —En ainbu bake bestichaiyaki, 12 badiyadan. Ma eskatian ea isin tenexuni mawakatsis ikaya miki chani en juxuki. Ebe kaxun uinkin ea xuxawaxunyuwe— atushia janua jaska Jesúsun ninkatan jawen jiwe anu jabe kaya ja yudan kaian ichapabundi itimaska wai supu ibainaibun

Kaxinawá Bíblia (BR)

itxati hiwe anushũ yunumis shanẽ ibu betsa Jairõ Jesus betxitã hukirã ha bebũ di iki beutã ea akĩ yuikĩ: —Ẽ aĩbu bake bestitxaiyaki, 12 bariyarã. Ma eskatiã ea isĩ teneshuni mawakatsis ikaya miki txani ẽ hushuki. Ebe kashũ uĩkĩ ea shushawashũyuwe— atuxia hanua haska Jesusũ nĩkatã hawẽ hiwe anu habe kaya ha yurã kaiã itxapabũri itimaska wai supu ibainaibũ

Lucas 8:41 Referencias Cruzadas

Lucas 13:14

janua juindukuntitian Jesúsun jaska wai uinkin shinain jatun ichati jiwe xanen ibu sinaxun jawenabu ichabu yuikin: —Semana tibi 6 xaba nun dayamiski. Jau matu xuxawanun dayatian besti bekanwen, juindukuntitian xuxai juamadan— ikaya

Lucas 17:16

Jesúsunabuma Samarianawabia Jesúsun besuudi danti iki beti ixun kenwanyan

Lucas 5:8

baka midima nexekanxuwen taea Simón Pedro inun jabe dayamisbu inun Zebedeon bakebu jawen jaibu betsabu Santiago inun Juan e e iki dateaibun Simón danti itan Jesús yuikin: —Yusinaan, en juni chakabuki. Ea anua butukaini ea jenebaini kadiwe— abia Jesúsun yuikin: —Eki dateyamawe. Na ikis min baka nexexu keska wakin yudabu min ea jatu ichawaxunxanaii— aka

Lucas 8:49

aki niken jabiatiandi xanen ibu Jairon jiwe anua jawen tsuma betsa juxun Jairo yuikin: —Min bakedan, ma mawaxuki. Ana juni yusinan daketapa wayamawe— akai

João 11:21

jaki nukuxun Martan Jesús yuikin: —Xanen Ibuun, min nenukenan, en pui mawama ikeanshinaki. Jamapai shadabu min Dios ea akai ninkatan mia medabewakin mia axunmiski, en unanan— aka

Hechos 13:15

januxun Moisin keneni inun Diosun jancha yuixunikabun kenenibu una anua yusinkin jatu yui menetan jabun yusinmisbu xanen ibubun Pablo inun Bernabé yuikin: —En betsabuun, ¿man jawa nuku yusintanun ika jushianmenkain? Yudabu benimawakin ikis nuku yuidikanwen— jatu wa

Hechos 18:17

janua yudabu ichaxun judiobun ichati jiwe mekenika xanen ibu Sóstenes achixun romano xanen ibun bedubi mekenen deteaibun Galiónen uinbiakin jau shinanxun anunbun jatu jawa nemamaken

Hechos 18:8

janu judio ichamisbu jiwe jatun mekea xanen ibu jawen kena Crispon jabube jiweabubetans nukun Xanen Ibu ikunwanibuki. Ja dikabi Corinto anuxun ichapabundi Pablon jancha kakape yuiai ninkatan Jesús ikunwandiaibun jau jatu nashimanunbun ikunwain betsabu Pablon yunua jatu nashimanibuki.

Hechos 9:38

ja mae udama Lida anuxun Pedron jatu yusiain Jope anuabun ikunwainbun ninkatan jau jabun ja yuixuntanunbun juni dabe nichinkin jatun jancha jatu yuikin: —Pedro yuikinan, eska watankanwen: “Menaan, jawaidakiaki. Jope anu judiwe”, atankanwen— jatu wa buxun yuiabu

Apocalipse 5:8

janua benimajaidakin ja jiweabu dabe inun dabe inun ja 24 mekenikabun jatun mimawati betsa jawen kena arpa inun oro mane kencha ni pei ininti ja kuaxunti keska mata jaska jawenabu Diosbe janchamisbu tsumaxundi jabu dasibibun chaxuwan bake kenwain jaki danti itan