Hechos 16:30 - Kashinawa : Diosun Jesúswen taexun yuba bena yiniki

januxun kainmatan jatu yukakin: —Xanen ibubuun, janu kupiaitian en Dios daewakatsis ikaii. ¿Jaskapa, jau ea mekexanunan?— jatu wa

Kaxinawá Bíblia (BR)

hanushũ kaĩmatã hatu yukakĩ: —Shanẽ ibubuũ, hanu kupiaitiã ẽ Deus daewakatsis ikaii. Haskapa, hau ea mekeshanunã?— hatu wa

Hechos 16:30 Referencias Cruzadas

Mateus 5:7

—Ja inun, tsuabuda nuikipabuwen Dios nuidiaxanaiwen taea benimapaketi shinain benimakubainkanikiki.

Lucas 3:10

januxun yudabun Juan jaskai ninkatan yuka ikin: —Jaskakenan, Dios daewakinan, ¿jaska waxanpa?— akeakeabu

Hechos 14:15

—Junibuun, ¿jawakin man nuku jaska wai? Nuku jaska wayamakanwen. Nukudan, matu keskadi nun jabias juniki. Ja yushin dabe man kenwanmistun matu jawa waxuntidumaki. Jaskawen taexun man kenwanmis jenetan Dios jiweatun nai inun, mai jidabi inun, ianenwan dasibi inun, janu jiweabu dasibi damiwani matun shinan betsa watan man kenwankubainxanunbun jakidi jawen bakekidi kakape matu yusintanun ika nun jushianki.

Hechos 16:17

nuku chibanbainkin metubainkin mapuabu dasibi unanxubima jui kushipawen jatu yuikin: —Ja junibudan, Dios kushipa dasibi binua jawen tsumabun ja dayaxunkanikiki. Janu kupiaitian tsuanda matu nemaxuntidu jawen chanima paxati bai matu unanmakanikiki— akin

Hechos 16:24

ninkatan ana dintu uke medanjaida Pablo inun Silas mistuxun jau jaska paxayamanunbun ji xui dabeyawen jatun tae bitaux adabetan mekeken

Hechos 2:37

janu jatube ichabun ninkai ¿jaskatimen? ika jatun juinti nishmajaidai bika tenekin shinankin Pedro inun Jesúsun tsuma kushipaya betsabu jatu yukakin: —Betsabuun, ¿jaskatan nun jaskatidumen?— jatu wabu

Hechos 22:10

eandi yukakin: “Xanen Ibuun, ¿jaskapa?” en aka en Xanen Ibun ea yuikin: “Benikaini kai Damasco anu kaditanwen, jadixun min jaskakunkainxanai tsuanda mia yuixanikikidan”, ea akaya

Hechos 9:6

Benikaini kai Damasco anu kaditanwen, jadixun min jaskakunkainxanai tsuanda mia yuixanikikidan— akaya

Santiago 2:13

Diosun nuku eska waxanikiki. Matu yuinun ninkakanwen. Tsuabuda nun jatuwen nuisbuma Diosundi nuku unanti wai nuiama ixanikiki. Jamen tsuabuda nun jatuwen nuikubainmisbudan, janu kupikin unanti waitian jawa nuku ichakawama jatu binumakin nuku paxa wakin binumaxanikiki.