Hechos 15:7 - Kashinawa : Diosun Jesúswen taexun yuba bena yiniki

jaikaimas shinan betsa betsapaibu Simón Pedron jatu ninka keyutan atimas jadi benitan jatu yuikin: —En betsabu inun en puibuun, Diosun kakape jawen bake Jesúskidi judiobumandi jau ikunwanunbun matu anua Diosun ea katuxun ea yunuxun ea jatu yusinmayama man unaiin.

Kaxinawá Bíblia (BR)

haikaimas xinã betsa betsapaibu Simão Pedrõ hatu nĩka keyutã atimas hari benitã hatu yuikĩ: —Ẽ betsabu inũ ẽ puibuũ, Deusũ kakape hawẽ bake Jesuskiri judeubumãri hau ikũwanũbũ matu anua Deusũ ea katushũ ea yunushũ ea hatu yusĩmayama mã unaiĩ.

Hechos 15:7 Referencias Cruzadas

João 15:16

Man ea katuama ean en matu katuniki. Jaskawen taexun en matu yunuaii. Kaxun jatu yusinkin man bimi ichapa wai keska wakin en tsumabu jatu wakin jau chintunyamanunbun jatu kushipa wakubainxankanwen. Jaska wakin en kenayaxun Epa Dios jamapai tibi man yuka matu axunxanikiki.

João 3:27

Juanen jatu yuikin: —Juni betsa Diosun yunuama xanen ibu kayabi itidumaki.

Hechos 1:16

—En betsabu inun en puibuun, jaska bebunkidi Judaskidi Diosun Yushin Pepatun David yuia kenenidan, jabias Judasin akin meneimaki. Jaska wanikidi akin chanima jatun jatu iyuxun Jesús jatu achimaimaki.

Hechos 1:24

jabun eska Dios jatu yukaxunkin: —Xanen Ibu Diosuun, dasibibun shinan min unainwen taexun na juni dabe pepa jadatuda min katuai nuku uinmawen,

Hechos 10:19

ja kenaibu ninkama Pedron jaska uinxu unanun ika shinan jenediamaken Diosun Yushin Pepatun yuikin: —Uinwen. Juni dabe inun bestitun mia benakanikiki.

Hechos 10:20

En jatu yunushinawen taea benikain bututan jawawen nuiama jatube katanwen— aka

Hechos 13:2

Janua ana xaba betsatian jabu ichatan samakekin Dios kenwainbun Diosun Yushin Pepatun jatu yuikin: —Bernabé inun Saulo daya betsa ma en jatu kenani en jatu yunukatsis ikaya jau dayatanunbun medibi jatu nichinkanwen— jatu wa

Hechos 15:14

Jesús ikunwainbu Diosun jawenabu jatu wadiakin medabewani jau nukube ikubainxanunbun jaska bebunkidi tatesmakin Diosun judiobumadi katuyama Simónen ma nuku yuixuki.

Hechos 15:2

januxun Pablo inun Bernabén jaska jatu yusiainbu danain jatube yuinamei ja ichakayamai itimaskaibun jaska bechipaiama atimas ikunwainbu ichatan Pablo inun Bernabé inun ikunwain betsabu katuxun jau jaska yusian jusiaibu pewakin Jesúsun kushipaya betsabu inun mekenikabu Jerusalén anuabubetan pewai jau jatube janchatanunbun jatu yunukin

Hechos 15:39

janua jawen taea iyunun ika jabe kunyan idabetan paxkai jenenamedabetan Bernabén Marcos iyui Chipre anu niwe xaxuwen inatan kaya

Hechos 20:24

Jabiaskabiaken eadan, en jiweawen nui yaushiama en daya Jesúsun ea yununiwen taexun Dios yudabuwen nuikin jaska wakin jawenabu jatu wakatsis ikaikidi punu nukama benimai jeneama en jatu yusinkin keyukatsis ikunkainaii.

Hechos 21:16

Cesarea anua ikunwainbu jatidi nukube bushinxun juni betsa Chipre anua kaini jawen kena Mnasón ma badi ichapa Jesús ikunwanpakemistun jiwe Jerusalén anu nun jabe iyunun nuku jadi iyukin

Hechos 3:18

Ja man jaska waimakididan, bebunkidi Diosun jawen jancha yuixunika dasibibu jakidi chanikin nukunabu yuikin: “Jawen Mesíasdan, nuitapatan mawaxanikiki”, anidan, jaska yuini keska wakin Diosun ma jatu menemaimaki.

Hechos 4:25

Jaska inun, min Yushin Pepawen min tsuma nukun xenipabu xanen ibujaida David yuimakin: ‘¿Jaskai jamenmens jawa shinanma ja yudabu yubaka besumai jaskai jamen ja iki janchanwankanimenkain, jawa shinanmadan?

Hechos 9:15

jaska yuibiaya Xanen Ibu Jesúsun ana yuikin: —Jen iyamai dateama katanwen. Ja juni kaindiama en katunitun ekidi chanikin nawa xukua betsa betsapabu jatu yusinkin inun, jatun xanen ibubu yusindiakin inun, Israelbudi ea jatu yusindiaxunkubainxanikiki,

Filipenses 2:14

Man ma jaskadan, ana tsuabuda nantakeabuki ninkabumabiaken matun jancha jamen ja ikin chakawama inun ana ja idabeama pe jiwekubainkanwen.