Sagaria 6:15 - Die Bybel 2020-vertaling

¹⁵ Mense sal van ver af kom om aan die tempel van die Here te bou. Dan sal julle weet dat dit die Here, Heerser oor alle magte, is wat my na julle gestuur het. Dit sal gebeur as julle getrou luister na die stem van die Here julle God. ” ’ ”

Bybel vir almal

¹⁵ Mense sal van ver plekke kom en hulle sal help om die tempel te bou.” Wanneer dit gebeur, dan sal julle weet dat die Here vir my, Sagaria, gestuur het. Hy is die Here wat oor alles regeer. Maar dit sal net gebeur as julle goed luister na wat julle God die Here vir julle sê.

Afrikaans 1933-1953

¹⁵ En die wat ver is, sal kom en aan die tempel van die Here bou. Dan sal julle weet dat die Here van die leërskare my na julle gestuur het. En dit sal so wees, as julle nougeset luister na die stem van die Here julle God.

Afrikaans 1983

¹⁵ Mense sal van ver af kom en aan die tempel van die Here bou, sodat julle sal weet dat die Here die Almagtige my na julle toe gestuur het. Dit sal gebeur as julle in alles gehoorsaam is aan die Here julle God.

Contemporary Afrikaans Bible 2023

¹⁵ En die wat ver is, sal kom en bou aan die tempel van die HERE, en julle sal weet dat die HERE van die leërskare my na julle gestuur het. En dit sal gebeur as julle ywerig luister na die stem van die HERE julle God.

Die Boodskap

¹⁵ “Mense sal van oral af kom om die tempel van die Here te help bou. As dit gebeur, sal dit weer vir julle ’n bewys wees dat die Here my gestuur het. Ek praat nie sommer net wat in my eie kop opkom nie. Hierdie goeie dinge sal gebeur as julle mooi versigtig alles doen wat die Here wil hê julle moet doen.”

Nuwe Lewende Vertaling

¹⁵ Mense sal van ver lande af kom om die tempel van die Here te herbou. Wanneer dit gebeur, sal julle weet dat my boodskappe van die Here, die Almagtige, af kom. Al hierdie dinge gebeur as julle nougeset gehoorsaam is aan die gebooie van die Here julle God.

Sagaria 6:15 Kruisverwysings

Jesaja 3:10

“ Sê vir die regverdiges dat dit goed sal gaan, want die vrug van hulle dade sal hulle geniet.

Jesaja 49:12

Kyk, hierdie mense kom van ver af; kyk, sommige kom uit die noorde en weste, en ander kom uit die gebied by Aswan. ”

Jesaja 57:19

gee Ek 'n loflied op die lippe. “Vrede, vrede, vir dié wat naby is en vir dié wat ver is,” sê die Here, “Ek sal hulle genees.”

Jesaja 60:10

“Vreemdes sal jou mure herbou, en hulle konings sal tot jou diens wees. Ja, in my grimmigheid het Ek jou geslaan, maar in my guns ontferm Ek My oor jou.

Jeremia 7:23

maar eintlik hierdie saak aan hulle opgedra, ‘Luister na my stem, dan sal Ek vir julle 'n God wees, en julle sal vir My 'n volk wees! Loop die hele pad wat Ek julle beveel, sodat dit met julle goed kan gaan.’

Sagaria 2:13

Wees stil voor die Here alle mense, want Hy tree te voorskyn uit sy heilige woonplek.

Sagaria 3:7

“ So sê die Here, Heerser oor alle magte: As jy op my paaie loop, en as jy my voorskrifte nakom, dan sal jy my huis regeer en dan sal jy my voorhowe bewaak. Ek sal jou vrye toegang gee tot diegene wat hier staan.

Sagaria 6:12

“ Sê dan vir hom: ‘So sê die Here, Heerser oor alle magte, “Hier is 'n man wat Loot genoem word. Daar waar hy is, sal hy uitspruit en die •tempel van die Here bou.

Handelinge 2:39

Want die belofte is bedoel vir julle, en ook vir julle kinders, en vir almal daar ver, almal wat die Here ons God na Hom toe roep. ”

Romeine 16:26

maar wat nou in opdrag van die Ewige God deur die geskrifte van die profete onthul en aan alle nasies bekend gemaak is, om hulle tot geloofsgehoorsaamheid te bring –

Deuteronomium 30:10

as jy net sal luister na die stem van die Here jou God, deur sy gebooie en vaste voorskrifte wat op hierdie •boekrol met die wet geskryf staan, na te kom; as jy met hart en siel sal terugkeer na die Here jou God.