Rigters 4:7 - Die Bybel 2020-vertaling

⁷ dan sal Ek vir Sisera, die bevelvoerder van Jabin se leër, met sy strydwaens en troepe na jou lok, na die Kisonspruit. Ek gee hom in jou hand.’ ”

Bybel vir almal

⁷ Ek sal Sisera, die hoof van Jabin se leër, vir jou laat wag by die Kison-rivier. Hy sal sy oorlogkarre en sy manne by hom hê, maar Ek sal jou laat wen teen hom.’ ”

Afrikaans 1933-1953

⁷ dan sal Ek Sísera, die leërowerste van Jabin, met sy strydwaens en sy menigte na jou, na die spruit Kison trek, en Ek sal hom in jou hand gee.

Afrikaans 1983

⁷ Ek sal vir Sisera, die hoof van Jabin se leër, met sy strydwaens en sy leër na jou toe laat optrek tot by Kisonspruit en Ek sal hulle in jou mag oorgee.”

Contemporary Afrikaans Bible 2023

⁷ En Ek sal Sisera, die owerste van die leër van Jabin, met sy strydwaens en sy menigte na jou toe trek na die rivier Kison; en Ek sal hom in jou hand gee.

Die Boodskap

⁷ Ek sal Sisera, die hoof van Jabin se weermag, met al sy strydwaens en sy soldate teen jou laat uittrek om teen jou te kom oorlog maak by die spruit Kison, maar Ek sal hom in jou mag oorgee.”

Rigters 4:7 Kruisverwysings

1 Konings 18:40

Elia sê toe vir hulle: “Gryp die profete van Baäl! Niemand van hulle moet wegkom nie!” Hulle het hulle gegryp, en Elia het hulle afgeneem na die spruit Kison en hulle daar omgebring.

Eksodus 14:17

En wat My betref, kyk, Ek gaan die hart van die Egiptenare verhard, sodat hulle agter hulle ingaan. Dan sal Ek agting afdwing deur my optrede teenoor die farao en sy hele leër, sy strydwaens en bemanning.

Eksodus 14:4

Ek sal die farao se hart verhard en hy sal hulle agtervolg, sodat Ek deur my optrede teenoor die farao en sy hele leër, agting kan afdwing, en sodat die Egiptenare sal weet dat Ek die Here is. ” Die Israeliete het toe so gemaak.

Eksodus 14:8

Die Here het die hart van die farao, die koning van Egipte, verhard, en hy het die Israeliete agtervolg, terwyl die Israeliete, gelei deur 'n verhewe hand, uitgetrek het.

Eksodus 21:13

Maar as hy dit nie beplan het nie, en God dit beskik het dat hy 'n hand daarin het, dan sal Ek vir julle 'n plek aanwys waarheen hy kan vlug.

Josua 10:8

Die Here het vir Josua gesê: “Moenie vir hulle bang wees nie, want Ek gee hulle in jou hand. Niemand van hulle sal voor jou staande bly nie.”

Josua 11:20

Dit was immers deur die Here se toedoen dat hulle hulle harte verhard het om teen Israel oorlog te voer, sodat Israel hulle met die banvloek kon tref en daar nie vir hulle genade sou wees nie – ja, sodat Israel hulle kon verdelg soos die Here Moses beveel het.

Josua 11:6

Die Here het vir Josua gesê: “Moenie vir hulle bang wees nie, want môre teen hierdie tyd sal Ek hulle almal doodgemaak aan Israel oorlewer. Hulle perde se hakskeensenings moet jy afkap, en hulle strydwaens moet jy verbrand.”

Josua 8:7

moet julle uit die hinderlaag opstaan en die stad beset. Die Here julle God gee dit in julle hand.

Rigters 4:14

Toe sê Debora vir Barak: “Maak gereed, want vandag is die dag waarop die Here Sisera in jou hand gee. Trek die Here self nie voor jou uit nie?” Daarop het Barak van die berg Tabor afgetrek met tienduisend man agter hom.

Rigters 4:8

Maar Barak het vir haar gesê: “As jy met my saamgaan, sal ek gaan; maar as jy nie met my saamgaan nie, sal ek nie gaan nie.”

Rigters 5:21

Die Kisonspruit het hulle weggespoel, die oeroue spruit, die Kisonspruit! “Ek wil voortgaan met krag:

1 Samuel 24:10

Dawid sê toe vir Saul: “Waarom luister u na die woorde van mense wanneer hulle sê, ‘Kyk, Dawid is daarop uit om u kwaad aan te doen’?

1 Samuel 24:18

en vir Dawid gesê: “Jy is regverdiger as ek, want jy het aan my goed gedoen terwyl ek aan jou kwaad gedoen het.