Psalms 99:3 - Die Bybel 2020-vertaling

³ Laat hulle u groot en ontsagwekkende Naam prys – “•Heilig is Hy!” –

Bybel vir almal

³ Here, hulle moet u groot Naam prys. Almal moet u Naam respekteer, u Naam is heilig.

Afrikaans 1933-1953

³ Laat hulle u grote en gedugte Naam loof! Heilig is Hy!

Afrikaans 1983

³ Hulle moet u groot en gevreesde Naam prys: “U is heilig!”

Contemporary Afrikaans Bible 2023

³ Laat hulle u groot en vreeslike Naam loof; want dit is heilig.

Die Boodskap

³ Laat almal U grootheid bewend prys: “U is heilig!”

Nuwe Lewende Vertaling

³ Hulle moet u Naam verheerlik; dis groot en ontsagwekkend. Heilig is Hy!

Psalms 99:3 Kruisverwysings

Nehemia 1:5

Ek het gesê: “Ag, Here, God van die hemel, groot en ontsagwekkende God, wat die verbond en trou handhaaf vir hulle wat Hom liefhet en sy gebooie nakom,

Nehemia 4:14

Ek het sake deurgekyk, toe opgestaan en vir die hoëlui, die gesagsdraers en die res van die volk gesê: “Julle moenie bang wees vir hulle nie. Dink aan die groot en ontsagwekkende Heer! Veg vir julle broers, julle seuns en julle dogters, julle vroue en julle huise.”

Nehemia 9:32

“ Daarom, ons God, groot, magtige en ontsagwekkende God, U wat bly by die verbond en u troue liefde, laat dit tog nie gering wees voor U nie, al die swaarkry wat ons ervaar het – ons konings en leiers, ons priesters en profete, ons voorouers en u hele volk – vanaf die dae van die konings van Assirië tot vandag toe.

Nehemia 9:5

Die Leviete, Jesua, Kadmiël, Bani, Gasabneja, Serebja, Hodija, Sebanja en Petagja het gesê: “Staan op! Prys die Here julle God van ewigheid af en vir ewig! Laat hulle u heerlike Naam prys wat bo elke seënspreuk en loflied verhewe is.

Psalms 100:4

Gaan sy poorte binne met lofprysing, sy voorhowe met 'n loflied; loof Hom, prys sy Naam.

Psalms 103:1

Van Dawid. Loof die Here, o my siel, ja, alles wat in my is, sy heilige Naam!

Psalms 111:9

Verlossing het Hy vir sy volk gestuur. Hy het sy verbond vir ewig voorgeskryf. Heilig en ontsagwekkend is sy Naam.

Psalms 145:17

Regverdig is die Here in al sy weë, en trou aan alles wat Hy gemaak het.

Psalms 66:3

Sê vir God: “Hoe ontsagwekkend is u dade! Vanweë die grootheid van u krag, veins u vyande onderdanigheid aan U.

Psalms 76:1

Vir die •musiekleier. Met snarespel. 'n Psalm. Van Asaf. 'n Lied.

Psalms 76:12

Lê geloftes af aan die Here julle God, en kom dit na. Almal wat rondom Hom is, moet geskenke bring vir die Ontsagwekkende.

Jesaja 6:3

Hulle het na mekaar geroep en gesê: “Heilig, heilig, heilig is die Here, Heerser oor alle magte! Die hele aarde is vol van sy heerlikheid.”

Jeremia 20:11

Maar die Here is by my, soos 'n vreesaanjaende krygsheld. Daarom sal my vervolgers tot 'n val kom; hulle sal nie die oorhand kry nie. Hulle sal geheel en al beskaamd staan, want hulle sal nie slaag nie – 'n ewige vernedering wat nie vergeet sal word nie.

Johannes 17:11

Ek is nie meer in die wêreld nie, maar hulle is nog in die wêreld, en Ek kom na U. Heilige Vader, bewaar hulle wat U aan My gegee het in u Naam, sodat hulle, net soos Ons, een kan wees.

Deuteronomium 28:58

“As jy nie al die woorde van hierdie wet wat in hierdie •boekrol geskryf is, nougeset nakom en sodoende ontsag toon vir hierdie eervolle en ontsagwekkende Naam, vir die Here jou God nie,

Deuteronomium 7:21

Moenie paniekerig raak oor hulle nie, want die Here jou God is in jou midde, 'n groot en ontsagwekkende God.

Josua 24:19

Maar Josua het vir die volk gesê: “Julle sal nie in staat wees om die Here te dien nie, want Hy is 'n heilige God, Hy is 'n besitlike God, Hy sal nie julle oortreding en sondes vergewe nie.

Openbaring 4:8

Die vier lewende wesens het elkeen ses vlerke, wat reg rondom en aan die binnekant vol oë is. Sonder om te rus, herhaal hulle dag en nag: “Heilig, heilig, heilig is die Here God, die Almagtige, Hy wat was en wat is en wat kom. ”

1 Samuel 2:2

“Niemand is heilig soos die Here nie, ja, daar is niemand buiten U nie; daar is geen rots soos ons God nie.