Psalms 9:18 - Die Bybel 2020-vertaling

¹⁸ Goddeloses draai om na die •doderyk, al die nasies wat God vergeet.

Bybel vir almal

¹⁸ Die mense wat verkeerd doen, al die volke wat vergeet dat daar 'n God is, sal na die doderyk gaan.

Afrikaans 1933-1953

¹⁸ Die goddelose sal teruggaan na die doderyk, al die heidene wat God vergeet.

Afrikaans 1983

¹⁸ Die doderyk is die bestemming van die skuldiges, van al die nasies wat aan God nie dink nie.

Contemporary Afrikaans Bible 2023

¹⁸ Want die behoeftige sal nie altyd vergeet word nie; die verwagting van die armes sal nie vir ewig vergaan nie.

Die Boodskap

¹⁸ Almal wat nie die Here dien nie, se uiteinde is die dood. So ook die volke wat vergeet dat Hy God is. Maar die Here vergeet nooit om elkeen wat sy hulp vra, by te staan nie.

Nuwe Lewende Vertaling

¹⁸ Die goddeloses is op pad na die graf soos al die nasies wat God vergeet.

Psalms 9:18 Kruisverwysings

Psalms 102:17

wanneer die Here Sion herbou en Hy in sy majesteit verskyn.

Psalms 102:20

“Die Here het afgekyk uit sy hoë heiligdom; uit die hemel het Hy die aarde beskou,

Psalms 109:31

want Hy staan aan die regterkant van die behoeftige om hom te verlos van hulle wat oor sy lewe wil beslis.

Psalms 12:5

hulle wat sê: “Danksy ons tonge is ons sterk; ons lippe is onder ons beheer. Wie is heer oor ons?”

Psalms 139:19

As U, o God, goddeloses maar wou ombring! Manne wat bloed vergiet, gaan weg van my af!

Psalms 50:22

Verstaan dit tog, julle wat God vergeet, anders verskeur Ek, en daar is niemand wat kan red nie.

Psalms 71:5

Want U is my hoop, my Heer; Here, van my jeug af stel ek my vertroue in U.

Psalms 72:4

Hy sal die magteloses van die volk se regte handhaaf, die kinders van behoeftiges verlos, maar onderdrukkers verpletter.

Psalms 9:12

Besing die Here wat in Sion regeer; maak sy dade onder die volke bekend.

Spreuke 23:18

Daar is beslis 'n toekoms, en jou hoop sal nie verydel word nie.

Spreuke 24:14

Besef dan, só is wysheid vir jou lewe – as jy dit vind, is daar 'n toekoms, en jou hoop sal nie verydel word nie.

Lukas 1:53

Hongeriges versadig Hy met goeie gawes, en rykes stuur Hy met leë hande weg.

Lukas 6:20

Toe het Hy sy oë op sy dissipels gerig en gesê: “Gelukkig is julle wat arm is, want die •koninkryk van God behoort aan julle.

Jakobus 2:5

Luister, my geliefde broers, het God nie die armes in die wêreld gekies om ryk in die geloof te wees nie? En om erfgename te wees van die koninkryk wat Hy beloof het aan hulle wat Hom liefhet nie?