Psalms 9:17 - Die Bybel 2020-vertaling

¹⁷ Die Here het Homself bekend gemaak: Hy laat reg geskied; goddeloses raak in hulle eie handewerk verstrik. Higgajoon •Sela

Bybel vir almal

¹⁷ Die Here het gewys wie Hy is, Hy het reg ge-oordeel. Hy straf die mense wat verkeerde dinge doen. Higgajon Sela

Afrikaans 1933-1953

¹⁷ Die Here het Hom bekend gemaak; Hy het strafgerig geoefen; die goddelose is verstrik in die werk van sy hande. Higgajōn. Sela.

Afrikaans 1983

¹⁷ So het die Here Hom bekend gemaak, Hy het reg laat geskied, en die skuldige is deur sy eie handewerk gevang. Higgajon Sela

Contemporary Afrikaans Bible 2023

¹⁷ Die goddelose sal in die hel verander word, en al die nasies wat God vergeet.

Die Boodskap

¹⁷ Die Here het vir alle mense gewys wie Hy regtig is. Hy straf verkeerde dade. Mense wat Hom nie dien nie, moet weet dat hulle deur hulle eie geknoei tot ’n val sal kom.

Psalms 9:17 Kruisverwysings

Job 5:13

Hy wat wyses met hulle eie slinksheid vang, sodat die planne van geslepenes vinnig tot 'n einde kom.

Job 8:13

So loop die paaie van almal wat van God vergeet: Die hoop van die godloses gaan tot niet –

Psalms 106:13

Maar gou het hulle sy dade vergeet; hulle het nie sy raad afgewag nie.

Psalms 44:17

oor die luide uittarting en verguising, oor die teenwoordigheid van vyande en wraakgieriges.

Psalms 44:20

Maar U het ons verpletter deur van ons 'n plek te maak waar woestynjakkalse hou; U het ons met digte duisternis bedek.

Psalms 49:14

dit is hulle lewenspad, dié wat vol selfvertroue is, hulle einde, dié wat van hulle eie uitsprake hou. •Sela

Psalms 50:22

Verstaan dit tog, julle wat God vergeet, anders verskeur Ek, en daar is niemand wat kan red nie.

Spreuke 14:32

Deur sy boosheid word 'n goddelose omvergewerp, maar 'n regverdige vind 'n skuilplek, selfs by sy dood.

Spreuke 5:22

Die goddelose – sy eie sondeskuld vang hom, en in die strikke van sy sonde word hy vasgeknel.

Jesaja 3:11

Wee die goddeloses! Dit sal sleg gaan; want wat hulle hande aangerig het, sal aan hulle gedoen word.

Jesaja 5:14

Daarom het die •doderyk sy keel wyd oopgemaak, en sy mond oopgesper sonder perk. Die stad se luisterrykes en gespuis, die lawaaimakers en uitbundiges in haar sal daarin afdaal.

Jeremia 13:25

Dit is jou lot, die deel wat Ek vir jou afgemeet het,” is die uitspraak van die Here, “omdat jy My vergeet het en op leuens vertrou het.

Jeremia 18:15

Tog het my volk My vergeet en vir nuttelose afgode offers verbrand. Dié het hulle laat struikel op hulle paaie, op die ou roetes, sodat hulle op weë gegaan het wat nie opgevul is nie,

Jeremia 2:32

“Sal 'n jong meisie haar juwele vergeet, of 'n bruid haar lyfserpe? Tog het my volk My vergeet, ontelbare dae lank al.

Jeremia 3:21

'n Stem klink op langs die woestynpaaie: die gehuil, die smeekbedes van die Israeliete, want hulle het die pad byster geraak, hulle het die Here hulle God vergeet.

Esegiël 22:16

Wanneer jy deur jou eie toedoen ontheilig word voor die nasies, sal jy besef dat Ek die Here is.” ’ ”

Hosea 2:13

“ Daarom, kyk, Ek gaan haar oorhaal, haar na die woestyn laat gaan, en mooi met haar praat.

Openbaring 20:15

En as gevind is dat iemand nie in die boekrol van die lewe opgeteken is nie, is hy in die vuurpoel gegooi.

Openbaring 21:8

Maar vir die lafhartiges, ongelowiges, losbandiges, moordenaars, hoereerders, towenaars, afgodedienaars en al die leuenaars – hulle deel is die brandende poel van vuur en swael; dit is die tweede dood.”