Psalms 9:16 - Die Bybel 2020-vertaling

¹⁶ Nasies het weggesink in die vangkuil wat hulle gemaak het; in daardie vangnet wat hulle gespan het, is hulle voete gevang.

Bybel vir almal

¹⁶ Die volke het in die gat geval wat hulle self gegrawe het, hulle voete sit vas in die vangnet wat hulle self styfgetrek het.

Afrikaans 1933-1953

¹⁶ Die heidene het gesink in die kuil wat hulle gemaak het; hulle voet is gevang in die net wat hulle gespan het.

Afrikaans 1983

¹⁶ Die nasies het in die gat geval wat hulle gegrawe het, hulle voete is vasgevang in die net wat hulle gespan het.

Contemporary Afrikaans Bible 2023

¹⁶ Die HERE word geken aan die oordeel wat Hy voltrek: die goddelose is verstrik in die werk van sy eie hande. Higgaion. Sela.

Die Boodskap

¹⁶ Mense wat U nie ken nie, sal self tweede kom terwyl hulle ander tot ’n val probeer bring. Hulle word die prooi van hulle eie bose planne.

Nuwe Lewende Vertaling

¹⁶ Die nasies het geval in die gat wat hulle gegrawe het. Hulle voete is in hulle eie net gevang.

Psalms 9:16 Kruisverwysings

2 Konings 19:19

Daarom, Here ons God, verlos ons asseblief uit sy hand, sodat al die koninkryke van die aarde kan weet dat U, Here, alleen God is. ”

Job 18:9

'n Valstrik gryp hom aan die hakskeen, 'n strik vang hom vas.

Psalms 11:6

Hy laat gloeiende kole op goddeloses neerreën – vuur en swael en 'n verskroeiende wind; dit is wat hulle toekom, dit is hulle beker.

Psalms 140:9

Here, gee tog nie die goddeloses wat hulle begeer nie; hulle bose planne, laat dit nie slaag nie. Hulle sal verwaand raak. Sela

Psalms 19:14

Weerhou u dienskneg ook van vermetelheid. Laat dit nie oor my heers nie; dan sal ek onskuldig wees en vry van ernstige oortredings.

Psalms 48:11

Soos u Naam, o God, so strek u lof tot aan die eindes van die aarde, u regterhand is vol •geregtigheid.

Psalms 5:1

Vir die •musiekleier. Met fluitspel. 'n Psalm. Van Dawid.

Psalms 7:16

Wie 'n put grawe en dit uithol, val in die vangkuil wat hy gemaak het.

Psalms 92:3

om in die môre u troue liefde te verkondig, en u trou in die nagte –

Eksodus 14:10

Toe die farao nader kom, kyk die Israeliete op, en daar is die Egiptenare besig om teen hulle op te ruk! Hulle was angsbevange. Die Israeliete roep toe na die Here om hulp,

Eksodus 14:31

Toe Israel die magtige daad sien wat die Here teen Egipte gedoen het, het die volk vir die Here ontsag gehad en hulle vertroue in die Here en in sy dienskneg, Moses, gestel.

Eksodus 14:4

Ek sal die farao se hart verhard en hy sal hulle agtervolg, sodat Ek deur my optrede teenoor die farao en sy hele leër, agting kan afdwing, en sodat die Egiptenare sal weet dat Ek die Here is. ” Die Israeliete het toe so gemaak.

Eksodus 7:5

Die Egiptenare sal besef dat Ek die Here is wanneer Ek my hand oor Egipte uitstrek en die Israeliete uit hulle midde lei.”

Spreuke 12:13

In 'n oortreding met die lippe lê die valstrik vir 'n bose mens, maar 'n regverdige ontkom aan benoudheid.

Spreuke 6:2

as jy in 'n strik getrap het deur die woorde van jou mond, vasgevang is deur die woorde van jou mond,

Jesaja 28:13

Daarom sal die woord van die Here vir hulle wees: “Saw lasaw, saw lasaw, kaw lakaw, kaw lakaw; 'n bietjie hier, 'n bietjie daar, sodat hulle gaan en agtertoe struikel, gebreek, verstrik en gevang word.”

Jesaja 8:15

Baie sal daaroor struikel, en val en gebreek word; hulle sal verstrik en gevang word.”

Daniël 6:25

Die koning het bevel gegee, en hulle het daardie manne wat Daniël aangekla het, gebring, en hulle in die leeukuil gegooi, hulle saam met hulle kinders en vroue. Hulle het nog nie eers die bodem van die kuil bereik nie, toe die leeus hulle oorweldig en al hulle beendere vergruis.

Rigters 1:7

Adoni-Besek het gesê: “Sewentig konings met afgekapte duime en groottone het onder my tafel kos bymekaargeskraap. Soos wat ek gedoen het, so het God my vergeld. ” Hulle het hom na Jerusalem geneem en daar is hy dood.

1 Samuel 17:46

Vandag sal die Here jou in my hand oorlewer, en ek sal jou verslaan en jou kop afkap. Ek sal die lyke van die Filistyne se leër vandag nog aan die voëls van die hemel en die wilde diere van die aarde gee, sodat die hele aarde sal weet dat Israel 'n God het.