Psalms 9:13 - Die Bybel 2020-vertaling

¹³ Want Hy wat bloedvergieting vergeld, dink aan die magteloses; Hy vergeet nie hulle hulpgeroep nie.

Bybel vir almal

¹³ want Hy onthou die mense wat onskuldig gesterf het en Hy straf die mense wat vir hulle doodgemaak het. Hy hoor wanneer mense Hom roep en vra dat Hy moet help, mense wat hulleself nie kan beskerm nie.

Afrikaans 1933-1953

¹³ Want Hy wat die bloed soek, dink aan hulle; Hy vergeet die geroep van die ellendiges nie.

Afrikaans 1983

¹³ Hy dink aan die onskuldiges en wreek hulle dood, Hy verontagsaam nie die geroep van dié wat in nood verkeer nie.

Contemporary Afrikaans Bible 2023

¹³ Wees my genadig, HERE; let op my benoudheid wat ek ly van die wat my haat, U wat my ophef uit die poorte van die dood.

Die Boodskap

¹³ Hy gee om vir mense wat onskuldig ly. Hy help elkeen wat in die nood is. Wanneer hulle sy hulp vra, sal Hy hulle nie ignoreer nie.

Psalms 9:13 Kruisverwysings

Genesis 4:10

Die Here het gesê: “Wat het jy gedoen? Die bloed van jou broer bly roep na My vanuit die grond.

Genesis 4:9

Die Here het vir Kain gevra: “Waar is Abel, jou broer?” Hy het geantwoord: “Ek weet nie; is ek dan my broer se oppasser?”

1 Konings 21:19

Sê dan vir hom, ‘So sê die Here: “Het jy moord gepleeg en ook nog erfgoed in besit geneem?” ’ Sê verder vir hom, ‘So sê die Here: “Op die plek waar die honde Nabot se bloed opgelek het, sal die honde ook jóú bloed oplek.” ’ ”

2 Konings 9:26

‘Gewis het Ek gisteraand die bloed van Nabot en die bloed van sy seuns raakgesien, is die uitspraak van die Here, en Ek sal dit op hierdie stuk grond aan jou vergeld, is die uitspraak van die Here.’ Tel hom dan nou op en gooi hom op die stuk grond, ooreenkomstig die woord van die Here.”

2 Kronieke 24:22

Koning Jehoas het nie die troue liefde onthou wat Sagaria se vader, Jojada, aan hom betoon het nie, en het sy seun vermoor. Toe hy sterf, het hy gesê: “Mag die Here dit sien en rekenskap eis.”

Nehemia 9:32

“ Daarom, ons God, groot, magtige en ontsagwekkende God, U wat bly by die verbond en u troue liefde, laat dit tog nie gering wees voor U nie, al die swaarkry wat ons ervaar het – ons konings en leiers, ons priesters en profete, ons voorouers en u hele volk – vanaf die dae van die konings van Assirië tot vandag toe.

Psalms 10:12

Staan op, Here; God, lig u hand; vergeet die magteloses tog nie!

Psalms 107:18

Aan alle kos het hulle kele gewalg, hulle het tot by die poorte van die dood gekom.

Psalms 119:132

Draai na my en wees my genadig, soos U gewoonlik maak met hulle wat u Naam liefhet.

Psalms 119:153

Sien tog my ellende raak en red my, want u wet vergeet ek nie.

Psalms 12:6

“Vanweë die geweld teen die magteloses, die gesug van die behoeftiges, gaan Ek nóú opstaan,” sê die Here. “Ek sal hulle wat daarna smag na veiligheid bring.”

Psalms 13:3

Hoe lank nog moet ek kwellinge in my binneste dra, elke dag kommer in my hart? Hoe lank nog gaan my vyand die oorhand oor my hê?

Psalms 142:6

Ek roep na U om hulp, Here. Ek sê: “U is my skuilplek, my deel in die land van die lewendes.

Psalms 25:19

Kyk na my vyande, hoe baie hulle geword het; en hoe fel hulle my haat.

Psalms 30:3

Here my God, ek het na U om hulp geroep en U het my gesond gemaak.

Psalms 38:19

Ja, my sondeskuld bely ek, ek is bekommerd oor my sonde.

Psalms 51:1

Vir die •musiekleier. 'n Psalm. Van Dawid.

Psalms 56:13

Op my, o God, rus die geloftes aan U. Ek sal dit nakom met •dankoffers aan U,

Psalms 86:13

want u troue liefde teenoor my is groot: U het my lewe weggeruk uit die •doderyk daar onder.

Jesaja 38:10

Ek het by myself gedink, in die middel van my lewensdae moet ek deur die poorte van die •doderyk gaan. Ek is opgeroep vir die res van my jare.

Klaagliedere 1:11

Kreunend soek haar hele volk na kos. Om te oorleef, het hulle hulle kleinode verruil vir iets om te eet. Kyk tog, Here, sien raak hoe ek verag word.

Klaagliedere 1:9

Tot aan haar klere kleef haar onreinheid. Sy het nie gedink aan wat van haar sou word nie. Haar ondergang was verskriklik; daar is niemand wat haar troos nie. Here, kyk tog na my nood, want die vyand is vermetel.

Johannes 2:6

Daar het, ooreenkomstig die reinigingsgebruike van die Jode, ses klipkanne gestaan wat elk tussen twee en drie metretes kon hou.