Psalms 85:11 - Die Bybel 2020-vertaling

¹¹ Troue liefde en waarheid ontmoet mekaar, •geregtigheid en vrede omhels mekaar.

Bybel vir almal

¹¹ Hy sal doen wat Hy belowe het, en sy volk sal doen wat hulle moet doen. Hy sal reg doen aan hulle, en dit sal goed gaan met hulle.

Afrikaans 1933-1953

¹¹ Goedertierenheid en trou ontmoet mekaar; geregtigheid en vrede kus mekaar.

Afrikaans 1983

¹¹ Liefde en trou sal mekaar ontmoet, geregtigheid en vrede sal mekaar omhels;

Contemporary Afrikaans Bible 2023

¹¹ Die waarheid sal uit die aarde spruit; en geregtigheid sal uit die hemel neerdaal.

Die Boodskap

¹¹ ’n Paar dinge hoort bymekaar: troue liefde en gehoorsaamheid aan God kan nooit van mekaar losgemaak word nie. Om dinge te doen soos die Here wil hê, en om sy vrede te ken hoort ook saam.

Nuwe Lewende Vertaling

¹¹ Liefde en trou sal mekaar ontmoet. Regverdigheid en vrede sal mekaar omhels!

Psalms 85:11 Kruisverwysings

Psalms 72:3

Mag die berge vrede bring vir die volk, en die heuwels geregtigheid.

Jesaja 4:2

Op daardie dag sal die loot van die Here pragtig en luisterryk wees; en die opbrengs van die land sal die trots en roem wees van dié Israeliete wat ontkom het.

Jesaja 42:21

Ter wille van sy geregtigheid, het die Here behae daarin om sy wet as groot en glorieryk te laat geld.

Jesaja 45:8

“ ‘ Hemele daar bo, laat dit neerstuif, en laat die wolke geregtigheid neersif! Die aarde moet oopgaan; dit moet verlossing as vrug voortbring; geregtigheid moet daarmee saam uitspruit. Ek, die Here, het dit geskep.

Jesaja 53:2

Hy het soos 'n jong loot voor Hom opgegroei, soos 'n wortelstok uit droë grond. Hy het nie 'n gestalte gehad, geen glans, dat ons na hom sou kyk nie, nie 'n goeie voorkoms, dat ons hom sou begeer nie.

Matteus 17:5

Terwyl hy nog praat, het 'n helder wolk skielik 'n skaduwee oor hulle gegooi, en kyk, 'n stem uit die hemel sê: “Dit is my geliefde Seun, oor wie Ek My verheug. Luister na Hom.”

Matteus 3:17

En meteens het 'n stem uit die hemele gesê: “Dit is my geliefde Seun oor wie Ek My verheug.”

Lukas 2:14

“Eer aan God in die hoogste, en vrede op aarde vir die mense in wie God 'n welbehae het! ”

Johannes 14:6

Jesus sê vir hom: “Ek is die weg en die waarheid en die lewe; niemand kom na die Vader behalwe deur My nie.

2 Korinthiërs 5:21

Hy wat nie sonde geken het nie, Hom het God ter wille van ons tot sonde gemaak, sodat ons in Hom voor God geregverdig kon word.

Efesiërs 1:6

tot lof van die heerlikheid van sy genade, waarmee Hy ons in die Geliefde begenadig het.