Psalms 85:10 - Die Bybel 2020-vertaling

¹⁰ Sy verlossing is beslis naby dié wat vir Hom ontsag het, sodat sy heerlikheid in ons land 'n tuiste kan hê.

Bybel vir almal

¹⁰ Dit is seker, die tyd is naby wanneer die Here die mense sal red wat Hom dien. Dan sal Hy, die Koning, by ons in ons land wees.

Afrikaans 1933-1953

¹⁰ Gewis, sy heil is naby die wat Hom vrees, sodat heerlikheid in ons land kan woon.

Afrikaans 1983

¹⁰ Waarlik, uitkoms is naby vir dié wat Hom dien: Hy sal sy reddende mag in ons land openbaar.

Contemporary Afrikaans Bible 2023

¹⁰ Barmhartigheid en waarheid word saam ontmoet; geregtigheid en vrede het mekaar gesoen.

Die Boodskap

¹⁰ Die Here maak mense vry wat Hom dien. Hy help hulle wat Hom aanbid, en gou ook. Hy red hulle. Almal hier rondom ons sal dit sien.

Nuwe Lewende Vertaling

¹⁰ Redding is beslis voor die deur vir hulle wat Hom dien. Dan sal sy magtige teenwoordigheid in ons land bly woon.

Psalms 85:10 Kruisverwysings

Psalms 100:5

Want die Here is goed, vir ewig duur sy troue liefde, van geslag tot geslag sy trou.

Psalms 72:3

Mag die berge vrede bring vir die volk, en die heuwels geregtigheid.

Psalms 89:14

U het 'n magtige arm; u hand is sterk, u regterhand is verhewe.

Spreuke 3:3

Troue liefde en waarheid moet jou nooit verlaat nie. Bind dit om jou nek, skryf dit op die tafel van jou hart,

Jesaja 45:24

‘Net by die Here,’ sê hulle dan van My, ‘is daar kragtige dade van geregtigheid.’ ” Na Hom toe sal hulle kom en beskaamd staan, almal wat vir Hom kwaad is.

Jesaja 46:13

Ek het my geregtigheid nader gebring; dit is nie meer ver nie. Die verlossing wat Ek bring, sal nie talm nie. In Sion sal Ek verlossing skenk, aan Israel my heerlikheid.”

Miga 7:20

U sal aan Jakob trou bewys, aan Abraham die troue liefde wat U aan ons voorouers met 'n eed beloof het in die voortyd.

Lukas 2:14

“Eer aan God in die hoogste, en vrede op aarde vir die mense in wie God 'n welbehae het! ”

Johannes 1:17

Want die wet is deur Moses gegee; die genade en die waarheid het deur Jesus Christus gekom.

Romeine 5:1

Omdat ons dan nou op grond van geloof geregverdig is, het ons vrede by God deur ons Here Jesus •Christus.

Romeine 5:21

Dus: Net soos die sonde deur die dood geheers het, sal ook die genade deur die regverdiging heers en tot die ewige lewe lei deur Jesus Christus, ons Here.

Hebreërs 7:2

Aan hom het Abraham 'n tiende deel van alles gegee. In die eerste plek was hy, as sy naam vertaal word, “Koning van •Geregtigheid”, maar daarbenewens was hy ook “Koning van Salem”, dit is “Koning van Vrede”.