Psalms 82:3 - Die Bybel 2020-vertaling

³ Handhaaf die reg van hulpeloses en vaderloses; laat reg geskied aan magteloses en armes.

Bybel vir almal

³ Julle moet reg doen aan arm mense en aan mense wat niemand het wat hulle kan help nie. Julle moet sê wanneer iemand reg is, ook iemand wat homself nie kan help nie, of iemand wat niks het nie.

Afrikaans 1933-1953

³ Doen reg aan die swakke en die wees; gee aan die ellendige en die arme sy reg.

Afrikaans 1983

³ Julle moet reg laat geskied aan die mens in nood en aan die weeskind, 'n regverdige uitspraak vir die hulpelose en die behoeftige lewer,

Contemporary Afrikaans Bible 2023

³ Beskerm die armes en die wees, doen reg aan die ellendige en behoeftige.

Die Boodskap

³ Julle moet eerder die mense help wat hulleself nie kan help nie. Kom op vir die weeskind. Sorg liewer dat dit beter gaan met mense wat swak is en niks het nie.

Nuwe Lewende Vertaling

³ “Laat reg geskied aan armes en wese. Verdedig die saak van die hulpelose en behoeftige.

Psalms 82:3 Kruisverwysings

Job 29:12

Want ek het magteloses wat om hulp geroep het, bevry, ook vaderlose kinders wat nie 'n helper het nie.

Job 31:21

as ek my hand teen 'n vaderlose kind gelig het, omdat ek in die stadspoort gemerk het dat ek ondersteuning geniet,

Psalms 10:18

om aan die weeskind en die onderdrukte reg te laat geskied. Niemand sal meer voortgaan om mense uit die land te verdryf nie.

Eksodus 23:3

'n Arm persoon mag jy nie in sy regsaak bevoordeel nie.

Eksodus 23:6

Jy mag die reg van die behoeftiges by jou nie verdraai in hulle regsake nie.

Spreuke 31:9

Maak jou mond oop, oordeel regverdig, en handhaaf die reg van die magtelose en behoeftige.

Jesaja 1:17

Leer om goed te doen! Bevorder die reg! Lê die onderdrukker aan bande! Handhaaf die reg van die vaderloses! Verdedig die weduwees se regsake!

Jesaja 1:23

Jou •hoë amptenare is koppig en span met diewe saam. Hulle almal is lief vir omkoopgeld en jaag belonings na. Vaderloses se reg handhaaf hulle nie, en weduwees se regsake dien nie voor hulle nie.

Jeremia 21:12

huis van Dawid! So sê die Here: “Spreek elke oggend reg en red dié wat beroof word uit die hand van verdrukkers; anders breek my woede uit soos 'n vuur en brand sonder dat iemand dit blus vanweë julle bose dade.

Jeremia 22:16

Hy het die reg van magteloses en behoeftiges gehandhaaf – toe het dit goed gegaan. Is dit nie wat dit is om My te ken nie?” ’ is die uitspraak van die Here.

Jeremia 22:3

So sê die Here: “Laat reg en geregtigheid geskied, en red dié wat beroof word uit die hand van verdrukkers. •Vreemdelinge, vaderloses en weduwees moet julle nie mishandel of geweld aandoen nie, en onskuldige bloed moet julle nie vergiet in hierdie plek nie.

Jeremia 5:28

Hulle het vet en blink geraak; hulle is ook onoortreflik met dade van boosheid. 'n Regseis waaroor hulle nie uitspraak lewer nie, is die regseis van 'n vaderlose kind, sodat hulle dit nie laat slaag nie. Oor die regsaak van behoeftiges gee hulle geen beslissing nie.

Sagaria 7:9

“ So sê die Here, Heerser oor alle magte, ‘Laat die waarheid seëvier in julle regspraak; betoon troue liefde en barmhartigheid aan mekaar.

Deuteronomium 10:18

wat vaderloses en weduwees se regte handhaaf en aan •vreemdelinge liefde betoon deur aan hulle kos en klere te gee.

Deuteronomium 24:17

“ Jy mag nie die reg van vreemdelinge en vaderloses verdraai nie, en jy mag nie die bokleed van 'n weduwee as pand neem nie.

Jakobus 1:27

Dít is suiwer en onbesmette godsdiens voor ons God en Vader: om na weeskinders en weduwees om te sien in hulle ellende, en jouself onbesmet van die wêreld te hou.