Psalms 76:3 - Die Bybel 2020-vertaling

³ In Salem was sy hut, sy skuilplek in Sion.

Bybel vir almal

³ Jerusalem is God se woonplek, Sion is die plek waar Hy graag wil wees.

Afrikaans 1933-1953

³ Ook het in Salem sy tent verrys en in Sion sy woning.

Afrikaans 1983

³ sy tuiste is in Salem, sy woning op Sion.

Contemporary Afrikaans Bible 2023

³ Daar het hy die pyle van die boog, die skild en die swaard en die geveg verbreek. Sela.

Die Boodskap

³ Hy bly in die tempel in Jerusalem. Sy woonplek is op Sionsberg.

Nuwe Lewende Vertaling

³ Hy woon in Salem; Sionsberg is sy woning.

Psalms 76:3 Kruisverwysings

Genesis 14:18

Melgisedek, die koning van Salem, het brood en wyn gebring. Hy was 'n priester van God, die Allerhoogste.

2 Kronieke 20:25

Josafat en sy manskappe het gegaan om oorlogsbuit bymekaar te maak. Hulle kry toe groot hoeveelhede toerusting en klere, sowel as waardevolle artikels by hulle. Hulle het vir hulleself soveel gebuit dat hulle dit nie kon dra nie. Hulle was drie dae lank besig om oorlogsbuit bymekaar te maak, want daar was baie.

2 Kronieke 32:21

Toe stuur die Here 'n •engel, en dié het elke dapper kryger, leier en bevelvoerder in die kamp van die koning van Assirië uitgewis. Hy het beskaamd na sy land teruggekeer. Toe hy in die huis van sy god kom, het sy eie seuns hom daar met die swaard neergevel.

Psalms 46:9

Kom kyk na die dade van die Here, Hy wat skrikwekkende dinge op aarde doen,

Psalms 9:12

Besing die Here wat in Sion regeer; maak sy dade onder die volke bekend.